ചെന്നൈ: കാൻഡിഡേറ്റ് ചെസിൽ ചരിത്രനേട്ടം സ്വന്തമാക്കി ഡി ഗുകേഷ്. കാൻഡിഡേറ്റ്സ് ടൂർണമെന്റിൽ കിരീടം നേടുന്ന എറ്റവും പ്രായം കുറഞ്ഞ താരം ഈ നേട്ടവും ഗുകേഷ് സ്വന്തമാക്കിയിരിക്കുകയാണ്. അമേരിക്കയുടെ ഗ്രാൻഡ്മാസ്റ്റർ ഹികാറു നകാമുറയ്‌ക്കെതിരെ അവസാന റൗണ്ടിൽ ഒമ്പത് പോയിന്റ് നേടിയാണ് ഗുകേഷ് വിജയം കരസ്ഥമാക്കിയത്.
നാല് പതിറ്റാണ്ട് മുമ്പ് പ്രശസ്ത താരം ഗാരി കാസ്പറോവ് സ്വന്തമാക്കിയ റെക്കോർഡാണ് ഈ 17-കാരൻ മറികടന്നിരിക്കുന്നത്. വിശ്വനാഥൻ ആനന്ദിന് ശേഷം ഫിഡെ കാൻഡിഡേറ്റ്സ് ടൂർണമെൻ്റിൽ വിജയിക്കുന്ന രണ്ടാമത്തെ ഇന്ത്യൻ താരം കൂടിയാണ് ഗുകേഷ്.
Congratulations to @DGukesh for becoming the youngest challenger. The @WacaChess family is so proud of what you have done . I’m personally very proud of how you played and handled tough situations. Enjoy the moment
— Viswanathan Anand (@vishy64theking) April 22, 2024
ഈ വർഷം അവസാനം നടക്കുന്ന ലോകചാംപ്യൻഷിപ്പിൽ ചൈനയുടെ ഡിങ് ലിറനെ നേരിടാനുള്ള യോഗ്യത കൂടിയാണ് ഗുകേഷ് നേടിയത്. ഗുകേഷിനെ അഭിനന്ദിച്ച് ഗ്രാൻഡ് മാസ്റ്റർ വിശ്വനാഥൻ ആനന്ദും രംഗത്തെത്തി. ഈ നേട്ടത്തിൽ നി‍ന്റെ കുടുംബത്തിനും എനിക്കും വളരെയധികം അഭിമാനമുണ്ടെന്ന് വിശ്വനാഥൻ എക്സിൽ കുറിച്ചു.
