ഇന്ത്യയുടെ പേസ് സെൻസേഷൻ ജസ്പ്രീത് ബുമ്രയുടെ ബൗളിംഗ് ആക്ഷന് സമാനമായ രീതിയിൽ പന്തെറിയുന്ന നെറ്റ് ബൗളറുടെ വീഡിയോ വൈറലാകുന്നു. റോയൽ ചലഞ്ചേഴ്സ് ബെംഗളൂരു താരം മുകേഷ് കുമാറാണ് ബുമ്രയ്ക്ക് സമാന രീതിയിൽ പന്തെറിഞ്ഞ് ആരാധക ശ്രദ്ധ പിടിച്ചുപറ്റിയത്. 2022-ൽ താരം തന്നെയാണ് തന്റെ ഇൻസ്റ്റഗ്രാം അക്കൗണ്ടിൽ വീഡിയോ പങ്കുവച്ചത്.
🎥 Mahesh Kumar – Net Bowler for Royal Challengers Bengaluru in IPL 2024.#IPL2024 #CricketTwitter pic.twitter.com/X5kXtd11hk
— Indian Domestic Cricket Forum – IDCF (@IDCForum) April 29, 2024
“>
2022-ൽ ഗുജറാത്ത് ടൈറ്റൻസിന്റെ ഭാഗമായിരുന്ന സമയത്തെ നെറ്റ്സിലെ ബൗളിംഗ് വീഡിയോയാണ് ഇപ്പോൾ പുറത്തുവന്നത്. ബുമ്രയെപോലെയല്ല, ബുമ്ര തന്നെയാണ് പന്തെറിയുന്നത്, ജൂനിയർ ബുമ്ര വരുന്നുണ്ട്, എന്നിങ്ങനെയുള്ള കമന്റുകളാണ് ആരാധകർ പങ്കുവയ്ക്കുന്നത്. ബൗളിംഗിലെ പോരായ്മകൾ ആർസിബിയെ വലയ്ക്കുന്നുണ്ട്. ഒരവസരം മുകേഷ്കുമാറിന് നൽകണമെന്നാണ് ആർ.സി.ബി ആരാധകരുടെ പക്ഷം.
നിലവിൽ 10 മത്സരങ്ങളിൽ നിന്ന് 3 വിജയവുമായി പോയിന്റ് ടേബിളിൽ അവസാന സ്ഥാനക്കാരാണ് ആർസിബി. ബുമ്രയാകട്ടെ 9 മത്സരങ്ങളിൽ നിന്ന് 6.63 ശരാശരിയിൽ ഹർഷൽ പട്ടേലിനൊപ്പം വിക്കറ്റ് വേട്ടക്കാരുടെ പട്ടികയിൽ ഒന്നാം സ്ഥാനം പങ്കിടുകയാണ്.