സ്മാർട്ട്ഫോണും കമ്പ്യൂട്ടറുമില്ലാത്ത ഒരു ലോകത്തെക്കുറിച്ച് ചിന്തിക്കാൻ സാധിക്കാത്ത രീതിയിലാണ് ഇന്ന് പലരും . നമ്മുടെ നിത്യജീവിതത്തിൽ ഇവ സ്ഥാനംപിടിച്ചിട്ട് പത്തോ പതിനഞ്ചോ വർഷം മാത്രമേ ആയിട്ടുള്ളൂ. എങ്കിലും എന്തിനും ഏതിനും കമ്പ്യൂട്ടറും സ്മാർട്ട്ഫോണും , വീട്ടിൽ നടക്കുന്ന കാര്യങ്ങൾ പോലും സ്വന്തം ജോലി സ്ഥലത്ത് ഇരുന്ന് കാണാൻ കഴിയുന്ന സിസിടിവികൾ അങ്ങനെ എന്തൊക്കെ.
എന്നാൽ ഇത്തരം കാര്യങ്ങളെ ഭയപ്പെടുന്നവരുമുണ്ട് . ഇത്തരത്തിൽ ടെക്നോളജിയോടുള്ള ഭയത്തെ വിശേഷിപ്പിക്കുന്ന വാക്കാണ് ടെക്നോഫോബിയ. കമ്പ്യൂട്ടറുകളോടുള്ള ഭയമാണ് ഇതിന്റെ പ്രധാന ലക്ഷണം. പലർക്കും പല രീതിയിലാണ് ഈ ഭയം പുറത്തു വരിക . ഡയഗ്നോസ്റ്റിക് ആൻ്റ് സ്റ്റാറ്റിസ്റ്റിക്കൽ മാനുവൽ ഓഫ് മെൻ്റൽ ഡിസോർഡേഴ്സ് പറയുന്നതനുസരിച്ച് ടെക്നോഫോബിയ ഒരു ക്ലിനിക്കൽ ഡയഗ്നോസിസ് അല്ല.
എങ്കിലും, അടുത്തിടെയായി സാങ്കേതികവിദ്യ അതിവേഗം വികസിച്ചതിനാൽ, ചില ഡോക്ടർമാർ ടെക്നോഫോബിയയെ ഒരു പ്രത്യേക ഭയം പോലെയാണ് കൈകാര്യം ചെയ്യുന്നത്. പുതിയ സാങ്കേതിക വിദ്യയെക്കുറിച്ച് ആർക്കും ഭയമോ വിമുഖതയോ തോന്നാം. ആ ഭയം നിങ്ങളുടെ ജീവിതത്തിൽ ഇടപെടുമ്പോൾ, അത് ടെക്നോഫോബിയ ആയി മാറും .എത്ര പേർക്ക് ടെക്നോഫോബിയ ഉണ്ടെന്ന് വിദഗ്ധർക്ക് കൃത്യമായി അറിയില്ല. എന്നാൽ പ്രായമായവരിലാണ് ഇത് കൂടുതലായി കാണപ്പെടുന്നത്.
പ്രായമാകുമ്പോൾ പലരും സാങ്കേതികവിദ്യ ഉപയോഗിക്കാൻ വിസമ്മതിക്കുന്നു. 55 മുതൽ 59 വരെ പ്രായമുള്ള 60% പേർക്കും ടെക്നോഫോബിയ ഉണ്ട് .
പുതിയ കമ്പ്യൂട്ടറോ ഫോണോ വാങ്ങുന്നത് ഒഴിവാക്കാൻ ആവശ്യപ്പെടുക , പുതിയ സാങ്കേതികവിദ്യയെയോ മാറ്റങ്ങളെയോ വിമർശിക്കുക , കമ്പ്യൂട്ടറുകളോ എടിഎമ്മുകളോ കാർഡ് റീഡറുകളോ ഉപയോഗിക്കാൻ വിസമ്മതിക്കുക , ഒരു ഉപകരണത്തിന്റെ സോഫ്റ്റ്വെയർ അപ്ഗ്രേഡ് ചെയ്യുന്നതിനെ ചെറുക്കുക എന്നിവ ടെക്നോഫോബിയ ഉള്ളവർ പ്രകടിപ്പിക്കാറുണ്ട് .