വീണ്ടും സ്വന്തം പാർട്ടി പ്രവർത്തകന്റെ മുഖത്തടിച്ച് ഡി.കെ ശിവകുമാർ; ഇത്തവണ കരണം പുകഞ്ഞത് കോൺ​ഗ്രസ് മുനിസിപ്പൽ അംഗം അല്ലാവുദ്ദീൻ മണിയാറിന്

ബെം​ഗളൂരു: സ്വന്തം പാർട്ടി പ്രവർത്തകരെ തല്ലിച്ചതയ്‌ക്കുന്നത് ഹോബിയാക്കി കർണാടക ഉപമുഖ്യമന്ത്രി ഡി. കെ ശിവകുമാർ. ശനിയാഴ്ച ഹവേരിയിൽ തെരഞ്ഞെടുപ്പ് പ്രചാരണത്തിനിടെയാണ് ശിവകുമാർ വീണ്ടും കോൺ​ഗ്രസ് പ്രവർത്തകനെ മർദ്ദിച്ചത്. മുനിസിപ്പൽ അംഗത്തിന്റെ മുഖത്തടിക്കുന്ന വീഡിയോ സോഷ്യൽ മീഡിയയിൽ വൈറലായി.

ധാർവാഡി ലോക്സഭാ മണ്ഡലത്തിലെ കോൺഗ്രസ് സ്ഥാനാർത്ഥി വിനോദ അസൂട്ടിയുടെ പ്രചാരണത്തിനായി എത്തിയതായിരുന്നു ശിവകുമാർ. ശിവകുമാർ കാറിൽ നിന്ന് ഇറങ്ങുമ്പോൾ കോൺഗ്രസ് പ്രവർത്തകർ ചുറ്റും കൂടുന്നത് വീഡിയോയിൽ കാണാം. ഇതിന് പിന്നാലെയാണ് മഞ്ഞ ഷർട്ട് ധരിച്ചിരിക്കുന്ന മുനിസിപ്പൽ അംഗം അല്ലാവുദ്ദീൻ മണിയാറിനെ ശിവകുമാർ മർദ്ദിച്ചത്. അല്ലാവുദ്ദീൻ മണിയാർ തോളിൽ കൈവച്ചതാണ് പ്രകോപിച്ചത്. തുടർന്ന് പാർട്ടി പ്രവർത്തകരെ പൊലീസ് തള്ളിമാറ്റുന്നതും ദൃശ്യങ്ങളിൽ വ്യക്തമാണ്.

ഇത് ആദ്യമായല്ല ശിവകുമാർ സ്വന്തം പാർട്ടി പ്രവർത്തകരെ മർദ്ദിക്കുന്നത്.ഇപ്പോൾ പുറത്തു വന്നത് ഇതേപോലത്തെ അഞ്ചാമത്തെ സംഭവമാണ്. 2021 ജുലൈയിൽ മാണ്ഡ്യയിലെ കെഎം ദൊഡ്ഡിയിൽ സെൽഫി എടുക്കാനായി എത്തിയ പാർട്ടി പ്രവർത്തകനെ ക്രൂരമായി മർദ്ദിച്ചതും വിവാദമായിരുന്നു. 2023 ജനുവരിയിൽ ബെൽഗാമിലെ ഒരു കോളേജിൽ നടന്ന പരിപാടിക്കിടയിൽ വിദ്യാർത്ഥിയെ പരസ്യമായി കൈയേറ്റം ചെയ്ത സംഭവവും പുറത്ത് വന്നിരുന്നു. 2018 ഫെബ്രുവരിയിൽ ബെല്ലാരിയിൽ തനിക്കൊപ്പം സെൽഫിയെടുക്കാൻ ശ്രമിച്ചയാളുടെ ഫോൺ ഡികെ ശിവകുമാർ തട്ടിതെറിപ്പിച്ചിരുന്നു. 2017 നവംബറിൽ, ഒരു പൊതു പരിപാടിയിൽ തന്റെ പിന്നിൽ നിന്ന് സെൽഫി എടുക്കുകയായിരുന്ന ഒരാളെ ഇടിക്കുന്നത് ക്യാമറയിൽ കുടുങ്ങി.

2019 സെപ്റ്റംബറിൽ മൈസൂർ വിമാനത്താവളത്തിന് പുറത്ത് വെച്ച് കോൺഗ്രസ് നേതാവായിരുന്ന ഇന്നത്തെ കർണാടക മുഖ്യമന്ത്രിയുമായ സിദ്ധരാമയ്യക്ക് ഫോൺ കൈമാറാൻ ശ്രമിച്ച കോൺഗ്രസ് പ്രവർത്തകന്റെ കരണത്ത് അദ്ദേഹം ആഞ്ഞടിച്ചതും വിവാദമായിരുന്നുഅധോലോക നായകനെ പോലെ പെരുമാറുന്ന കോൺ​ഗ്രസ് ഉപമുഖ്യമന്ത്രിക്കെതിരെ പ്രവർത്തകർക്കിടയിൽ തന്നെ അമർഷം വ്യാപകമാണ്.

Karnataka’s DCM, DK Shivakumar, slaps Congress Municipal Member Allauddin Maniar, while campaigning in Savanur town of Haveri. This is not the first time DK has assaulted a Congress worker.

His crime? He happened to put his hands on DK Shivakumar’s shoulder, when the latter… pic.twitter.com/meDwwr0zRz

— Amit Malviya (मोदी का परिवार) (@amitmalviya) May 5, 2024

വീഡിയോ വൈറലായതിന് പിന്നാലെ കോൺഗ്രസിനെ പരിഹസിച്ച് ബിജെപി ഐടി സെൽ മേധാവി അമിത് മാളവ്യ രം​ഗത്ത് വന്നു. ” ഇത് ആദ്യമായല്ല ഡികെ ശിവകുമാർ കോൺ​ഗ്രസ് പ്രവർത്തകരെ മർദ്ദിക്കുന്നത്. തോളിൽ കൈവച്ചതാണോ കോൺഗ്രസ് മുനിസിപ്പൽ അംഗം അല്ലാവുദ്ദീൻ മണിയാർ ചെയ്ത കുറ്റം. കോൺഗ്രസിന് വേണ്ടി പ്രവർത്തിക്കുന്നവരെ കുറിച്ച് അത്ഭുതം തോന്നുന്നു, അവരുടെ നേതാക്കൾ അവരെ തല്ലുന്നു, അപമാനിക്കുന്നു, മത്സരിക്കാൻ ടിക്കറ്റ് പോലും നൽകുന്നില്ല, അഴിമതിയിൽ നിന്ന് നേടുന്ന പണത്തിന് വേണ്ടിയാണോ ഇവരുടെ പ്രവർത്തനം ? അവർക്ക് ആത്മാഭിമാനം ഇല്ലേ?” അദ്ദേഹം ചോദിച്ചു.