ന്യൂഡെൽഹി: അരങ്ങേറ്റ മത്സരത്തിൽ ബ്രിട്ടീഷ് ബോക്സർക്ക് ദാരുണാന്ത്യം. ബ്രിട്ടീഷ് മിഡിൽവെയ്റ്റ് ബോക്സർ ഷെരീഫ് ലാവൽ (29) ആണ് പ്രൊഫഷണൽ അരങ്ങേറ്റത്തിനിടെ റിംഗിൽ കുഴഞ്ഞുവീണ് മരിച്ചത്.
ഞായറായ്ച്ചയായിരുന്നു സംഭവം. തന്റെ പോർച്ചുഗീസ് എതിരാളി മലാം വരേലയ്ക്കെതിരെ ലണ്ടനിലെ ഹാരോ ലെഷർ സെൻ്ററിൽ നടന്ന മത്സരത്തിൽ ലാവലിന്റെ കർണ്ണപടത്തിൽ അടിയേൽക്കുകയായിരുന്നു.
ബോധം നഷ്ടപ്പെട്ട ലാവലിനെ ഉടൻ തന്നെ വൈദ്യസഹായത്തിന് വിധേയമാക്കിയെങ്കിലും ജീവൻ രക്ഷിക്കാനായില്ല.
ലാവലിന്റെ മരണത്തിൽ ബ്രിട്ടീഷ് ബോക്സിംഗ് ബോർഡ് ഓഫ് കൺട്രോൾ അനുശോചനം അറിയിച്ചു.
