മൊബൈൽ ഫോണുകളും കംപ്യൂട്ടറുകളുമെന്നു വേണ്ട ഏതൊരു ഡിജിറ്റൽ ഉപകരണങ്ങൾ ഉപയോഗിക്കുമ്പോഴും ആദ്യം നമ്മൾ പാസ്വേർഡ് ഇടാനായിരിക്കും ശ്രമിക്കുക. വീടിന്റെ വാതിക്കലിൽ പോലും നാം പാസ്വേർഡുകൾ അടങ്ങിയ ഉപകരണങ്ങൾ വയ്ക്കുന്നു. ഇവിടെ നാം പ്രധാനമായും കണക്കാക്കുന്നത് സുരക്ഷിതത്വമാണ്. ഫോണിലെ ഡാറ്റകൾ സുരക്ഷിതമാക്കി വയ്ക്കാനും വീട് സുരക്ഷിതമാക്കി വയ്ക്കാനുമെല്ലാമാണ് നമ്മൾ ഈ പാസ്വേർഡുകൾ നൽകുന്നത്.
എന്നാൽ ചെക്ക് പോയിന്റ് സോഫ്റ്റ്വെയർ ടെക്നോളജിസ് ലിമിറ്റഡ് റിപ്പോർട്ട് പ്രകാരം ഇന്ത്യയിലെ ഭൂരിഭാഗം ജനങ്ങളും ദുർബലമായ പാസ്വേർഡുകളാണ് നൽകി വരുന്നതെന്നാണ് പറയുന്നത്. ഇത് എളുപ്പത്തിൽ നിങ്ങളുടെ ഡിവൈസ് ഹാക്ക് ചെയ്യുന്നതിന് കാരണമാകുന്നു. സൈബർകുറ്റവാളികൾക്ക് ഇത്തരത്തിൽ ദുർബലമായ പാസ്വേർഡുകൾ എളുപ്പത്തിൽ കണ്ടുപിടിക്കാൻ സാധിക്കുമെന്നും റിപ്പോർട്ടിൽ പറയുന്നു. പൊതുവെ നാം ഓർത്തെടുക്കാനുള്ള എളുപ്പത്തിനായി 1234 എന്ന പാസ്വേർഡായിരിക്കും നൽകുന്നത്. ഇത്തരത്തിൽ ഇനി പറയുന്ന പാസ്വേർഡുകളാണ് നിങ്ങൾ ഉപയോഗിക്കുന്നതെങ്കിൽ ഉടനടി മാറ്റാൻ ശ്രദ്ധിച്ചോളൂ..
1234
1111
0000
1212
7777
1004
2000
4444
2222
6969
ഈ പാസ്വേർഡുകൾ വളരെ ദുർബലമായ പാസ്വേർഡുകളാണെന്നാണ് ചെക്ക് പോയിന്റ് സോഫ്റ്റ്വെയർ ടെക്നോളജിസ് ലിമിറ്റഡ് റിപ്പോർട്ടിൽ പറയുന്നത്. പലരും അവരുടെ ജനിച്ച വർഷവും, ഫോൺ നമ്പറുമെല്ലാം പാസ്വേർഡായി ഇടാറുണ്ട്. ഇതും ഹാക്കേർഴ്സിന് വളരെ എളുപ്പത്തിൽ നിങ്ങളുടെ ഡിവൈസ് ഹാക്ക് ചെയ്യാൻ സഹായിക്കുമെന്നും റിപ്പോർട്ടിൽ പറയുന്നു.
