ശ്രദ്ധിക്കേണ്ടേ അമ്പയറേ..! ടിവി അമ്പയർ പൊട്ടനാ, ഐപിഎല്ലിൽ വീണ്ടും പുറത്താകൽ വിവാദം

സഞ്ജുവിനെ ബൗണ്ടറി ലൈനിൽ പുറത്താക്കാൻ ഷായ് ഹോപ് എടുത്ത ക്യാച്ചിലെ വിവാദം ഇതുവരെ കെട്ടടങ്ങിയിട്ടില്ല. ഇന്ന് വീണ്ടും തേർഡ് അമ്പയർ മറ്റൊരു വിവാദം തീരുമാനം സ്വീകരിച്ചത് സോഷ്യൽ മീഡിയയിൽ രൂക്ഷ വിമർശനത്തിനിടയാക്കിയിട്ടുണ്ട്. ആർ.സി.ബി താരം ദിനേശ് കാർത്തിക്കിന്റെ എൽബിയുമായി ബന്ധപ്പെട്ടാണ് വിവാദം ആളിപ്പടർന്നത്.

15-ാം ഓവറിലായിരുന്നു സംഭവം. രജത് പാട്ടിദാർ പുറത്തായതിന് പിന്നാലെ ക്രീസിലെത്തിയ കാർത്തിക്കിനെ നേരിട്ട ആദ്യ പന്തിൽ തന്നെ ആവേശ് ഖാൻ വിക്കറ്റിന് മുന്നിൽ കുടുക്കി. ഫീൾഡ് അമ്പയർ അനന്ദ പദ്മനാഭൻ ഔട്ട് വിളിച്ചു.

എന്നാൽ ഉടൻ ഡിആർഎസ് എടുക്കാൻ തയാറാകാതിരുന്ന കാർത്തിക്ക് ലോംറോറുമായി സംസാരിച്ച ശേഷം റിവ്യു നൽകി. എന്നാൽ ബാറ്റ് പാഡിൽ തട്ടുന്നുവെന്ന് വ്യക്തമായിട്ടും ടിവി അമ്പയർ ചൗധരി ബാറ്റിൽ പന്ത് തട്ടിയെന്ന് സംശയിച്ച് നോട്ടൗട്ട് വിളിക്കുകയായിരുന്നു.

ഇതോടെ കമന്റേറ്റർമാരടക്കം ഇത് ചോദ്യം ചെയ്തു. ഡഗൗട്ടിലിരുന്ന രാജസ്ഥാൻ പരിശീലകൻ തീരുമാനത്തിൽ ദേഷ്യപ്പെട്ട് ബൗണ്ടറിക്ക് പുറത്തുണ്ടായിരുന്ന അമ്പയറിനോട് സംസാരിക്കുന്നതും കണ്ടു. പിന്നീട് 12 പന്തിൽ 11 റൺസെടുത്ത കാർത്തിക് പുറത്താവുകയായിരുന്നു.

#RCBvsRR
This TV umpire should be REMOVED from panel of @BCCI @IPL
Shocking decision.
Looks like he had pre-decided 2 give not out. @DineshKarthik shud hv walked.
For RCB -TV umpire their impact player @RCBTweets .@rajasthanroyals @KumarSanga2 we are with you pic.twitter.com/5YozXFxAc2

— Anu Modi Mukarji (@AnuMukarji) May 22, 2024