ന്യൂഡൽഹി : നേപ്പാളിൽ നിന്ന് എവറസ്റ്റ് കൊടുമുടി കീഴടക്കുന്ന ഏറ്റവും പ്രായം കുറഞ്ഞ ഇന്ത്യൻ പർവതാരോഹകയായി കാമ്യ കാർത്തികേയൻ. മുംബൈയിൽ നിന്നുള്ള ഈ 16 കാരി നാവിക ഉദ്യോഗസ്ഥനായ എസ് കാർത്തികേയന്റെ മകളാണ് .
മുംബൈയിലെ നേവി ചിൽഡ്രൻ സ്കൂളിലെ 12-ാം ക്ലാസ് വിദ്യാർത്ഥിനിയാണ് കാമ്യ . ഏപ്രിൽ 3 നാണ് കാമ്യ തന്റെ ലക്ഷ്യത്തിലേയ്ക്കുള്ള പ്രയാണം ആരംഭിച്ചത് . മെയ് 20 ന് കൊടുമുടിയുടെ ഏറ്റവും ഉയരത്തിലെത്തി .”ഈ നേട്ടം സ്വന്തമാക്കിയ ശേഷം, ലോകത്തിലെ ഏറ്റവും പ്രായം കുറഞ്ഞ രണ്ടാമത്തെ പെൺകുട്ടിയായി അവർ മാറി, നേപ്പാളിൽ നിന്ന് ലോകത്തിലെ ഏറ്റവും ഉയരം കൂടിയ കൊടുമുടി കയറുന്ന ഏറ്റവും പ്രായം കുറഞ്ഞ ഇന്ത്യൻ പർവതാരോഹകയായി,” ഇന്ത്യൻ നാവികസേന പ്രസ്താവനയിൽ പറയുന്നു.
ആറ് ഭൂഖണ്ഡങ്ങളിലെ ഏറ്റവും ഉയർന്ന കൊടുമുടികളാണ് കാമ്യ ഇതുവരെ വിജയകരമായി കീഴടക്കിയത് . ഈ ഡിസംബറിൽ അൻ്റാർട്ടിക്കയിലെ മൗണ്ട് വിൻസൺ മാസിഫ് കയറി ‘7 സമ്മിറ്റ് ചലഞ്ച്’ പൂർത്തിയാക്കുന്ന ഏറ്റവും പ്രായം കുറഞ്ഞ പെൺകുട്ടിയാകുകയാണ് കാമ്യയുടെ അടുത്ത വെല്ലുവിളി.
