മൂന്നാം ഐപിഎൽ കിരീടം സ്വന്തമാക്കിയതിന് പിന്നാലെ കൊൽക്കത്ത താരങ്ങളോട് ഹർഷിത് റാണയുടെ ഫ്ളയിംഗ് കിസ് സെലിബ്രേഷൻ അനുകരിക്കാൻ ആവശ്യപ്പെട്ട് ടീം ഉടമയും ബോളിവുഡ് താരവുമായ ഷാരൂഖ് ഖാൻ. ആരോഗ്യ പ്രശ്നങ്ങളെ അവഗണിച്ച് ടീമിനെ പിന്തുണക്കാൻ ചെപ്പോക്കിൽ എത്തിയത് മുതൽ കിരീടം നേടിയത് വരെ അതീവ സന്തോഷവാനായാണ് താരത്തെ ഗാലറിയിലും ഗ്രൗണ്ടിലും കണ്ടത്. 8 വിക്കറ്റിനായിരുന്നു ഹൈദരാബാദിനെതിരെയുള്ള കൊൽക്കത്തയുടെ ജയം.
ഹർഷിതിന്റെ ഫ്ളയിംഗ് കിസ് സെലിബ്രേഷൻ പല വിമർശനങ്ങൾക്കും വഴിവെച്ചിരുന്നു. ഗ്രൂപ്പ് ഘട്ടത്തിൽ എസ്ആർഎച്ച് ഓപ്പണർ മായങ്ക് അഗർവാളിനെ പുറത്താക്കിയതിന് ശേഷം ഫ്ളയിംഗ് കിസ് നൽകി യാത്രയാക്കിയതിന് മാച്ച് റഫറി ശിക്ഷ വിധിച്ചിരുന്നു. പെരുമാറ്റച്ചട്ടം ലംഘിച്ചതിന് മാച്ച് ഫീയുടെ 60 ശതമാനമാണ് പിഴ ചുമത്തിയത്. ഡൽഹി താരം അഭിഷേക് പോറലിന്റെ വിക്കറ്റ് നേട്ടം ഇതേ രീതിയിൽ ആഘോഷിച്ചതിന് താരത്തെ ഒരു മത്സരത്തിൽ നിന്ന് വിലക്കുകയും പിഴ ചുമത്തുകയും ചെയ്തിരുന്നു. ഈ സീസണിൽ കെകെആറിന് വേണ്ടി ഏറ്റവും കൂടുതൽ വിക്കറ്റ് വീഴ്ത്തിയ ബൗളറാണ് താരം.
SRK in love with his team’s performance 💜#KKRvSRH #IPLonJioCinema #IPLFinalonJioCinema #TATAIPL pic.twitter.com/6eWvce34ih
— JioCinema (@JioCinema) May 26, 2024
“>
മൂന്നാം കിരീടനേട്ടത്തിന് പിന്നാലെ വലിയ കൊൽക്കത്ത ടീം അംഗങ്ങളും ആരാധകരും വലിയ ആവേശത്തിലാണ്. ഈ നേട്ടത്തിന് പ്രധാന കാരണം ഗൗതം ഗംഭീർ തന്നെയാണെന്ന് ആരാധകർ ഒന്നടങ്കം പറയുന്നു. ടീം മെന്ററായി ഗംഭീർ ചുമതലയേറ്റെടുത്ത ആദ്യ വർഷം തന്നെയാണ് കൊൽക്കത്ത കിരീടം ഉയർത്തിയത്. പിന്നാലെ ടീം ഉടമ ഷാരൂഖ് ഗംഭീറിനെ ചുംബിച്ചും ആലിംഗനം ചെയ്തുമാണ് സ്നേഹവും സന്തോഷവും പ്രകടിപ്പിച്ചത്.
