ഭാഷാ ഭേദമന്യേ ഇന്ത്യൻ സിനിമാ പ്രേമികൾ കാത്തിരിക്കുന്ന ചിത്രമാണ് പുഷ്പ2. സിനിമയിലെ രണ്ടാമത്തെ ഗാനം പുറത്തിറങ്ങി. ‘ദ കപ്പിൾ സോംഗ്’ എന്ന് പേരിട്ടിരിക്കുന്ന ഗാനം പാടിയത് ശ്രേയ ഘോഷാലാണ്. ഇതിന്റെ ലിറിക്കൽ വീഡിയോയാണ് പുറത്തിറങ്ങിയത്. ചന്ദ്രബോസിന്റെ വരികൾക്ക് ഈണം പകർന്നിരിക്കുന്നത് ദേവി ശ്രീ പ്രസാദാണ്.
ഗാനത്തിന്റെ ചിത്രീകരണ രംഗങ്ങൾ ഉൾപ്പെടുത്തിയാണ് വീഡിയോ പുറത്തിറക്കിയിരിക്കുന്നത്. ‘സൂടാനാ’ എന്നു തുടങ്ങുന്ന ഗാനം തെലുങ്ക്, ഹിന്ദി, മലയാളം, കന്നട, തമിഴ് ഭാഷകളിലാണ് പുറത്തിറക്കിയിരിക്കുന്നത്. ബോളിവുഡിലെ പ്രമുഖ കൊറിയോഗ്രാഫർ ഗണേഷ് ആചാര്യയാണ് കൊറിയോഗ്രാപ് ചെയ്തിരിക്കുന്നത്. പുഷ്പ ആദ്യ ഭാഗത്തിലെ ‘നാ സാമി’യുടെ സിഗ്നേച്ചർ സ്റ്റെപ്പും ഈ പാട്ടിൽ കാണാം.
പുഷ്പ ദി റൂള് എന്ന് പേരിട്ടിരിക്കുന്ന രണ്ടാം ഭാഗം ഓഗസ്റ്റ് 15-നാണ് തിയേറ്ററുകളിലെത്തുന്നത്. സുകുമാര് രചനയും സംവിധാനവും നിർവ്വഹിക്കുന്ന ചിത്രത്തിന്റെ നിർമ്മാണം മൈത്രി മൂവി മേക്കേഴ്സാണ്. പുഷ്പയുടെ ആദ്യഭാഗത്തിൽ മികച്ച നടനുള്ള ദേശീയ അവാർഡും അല്ലുവിനെ തേടിയെത്തിയിരുന്നു. ഇനി പുഷ്പ 2 ഇറങ്ങുമ്പോൾ മറ്റൊരു ഗംഭീര പ്രകടനം കാണാനുള്ള ആവേശത്തിലാണ് ആരാധകർ.
