തിരുവനന്തപുരം: തൃക്കണ്ണാപുരത്ത് ആത്മഹത്യയ്‌ക്ക് ശ്രമിച്ച ഇൻസ്റ്റഗ്രാം താരം മരിച്ചു. തൃക്കണ്ണാപുരം ഞാലിക്കോണം സ്വദേശിനിയായ 18കാരിയാണ് മരിച്ചത്. സമൂഹ മാദ്ധ്യമങ്ങളിലെ അധിക്ഷേപങ്ങൾക്ക് പിന്നാലെയായിരുന്നു ആത്മഹത്യാ ശ്രമം.
കഴിഞ്ഞ തിങ്കളാഴ്ചയാണ് പെൺകുട്ടി ആത്മഹത്യയ്‌ക്ക് ശ്രമിച്ചത്. ഇൻസ്റ്റഗ്രാം വഴി പരിചയപ്പെട്ട ആൺ സുഹൃത്തുമായുള്ള സൗഹൃദം അവസാനിപ്പിച്ചതിനെ തുടർന്ന് ഇയാളുടെ നേതൃത്വത്തിൽ നിരവധി സൈബർ ആക്രമണങ്ങൾ പെൺകുട്ടി നേരിട്ടിരുന്നുവെന്ന് ബന്ധുക്കൾ ആരോപിച്ചു.
ആത്മഹത്യയ്‌ക്ക് ശ്രമിച്ച പെൺകുട്ടിയെ ബന്ധുക്കൾ മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. കോട്ടഞ്ചേരി സ്‌കൂളിലെ 12-ാം ക്ലാസ് വിദ്യാർത്ഥിനിയാണ്. അസ്വഭാവിക മരണത്തിന് പൊലീസ് കേസെടുത്തിട്ടുണ്ട്.
