ബോളിവുഡ് നടി സൊനാക്ഷി സിൻഹയുടെയും സഹീർ ഇക്ബാലിന്റെയും വിവാഹ ചിത്രങ്ങളാണ് സമൂഹമാദ്ധ്യമങ്ങളിൽ നിറയുന്നത്. സ്പെഷ്യൽ മാരേജ് ആക്ട് പ്രകാരം കഴിഞ്ഞ ദിവസം മുംബൈയിൽ വച്ചായിരുന്നു ഇരുവരുടെയും വിവാഹം. പ്രമുഖ ആഭരണ വ്യാപാരിയായ ഇക്ബാൽ രതനാസിയുടെ പുത്രനും നടനും മോഡലുമായ സഹീറാണ് സൊനാക്ഷിയുടെ വരൻ.
ലളിതമായ വിവാഹത്തിന് പിന്നാലെ അടുത്ത ബന്ധുക്കൾക്കും സുഹൃത്തുക്കൾക്കുമായി വിവാഹസത്ക്കാരവും ഒരുക്കിയിരുന്നു. വിവാഹ സത്ക്കാരത്തിനെത്തിയ പാപ്പരാസികളുമായി ഒന്നിച്ച് നവദമ്പതികളെടുത്ത ചിത്രങ്ങൾ നിമിഷ നേരങ്ങൾക്കുള്ളിലാണ് വൈറലായത്. വിവാഹ ശേഷം പാപ്പരാസികൾക്കൊപ്പമാണ് ആദ്യം ഇവർ ഫോട്ടോ എടുത്തത്.
View this post on Instagram
താരനിബിഡമായ വിവാഹ സൽക്കാരത്തിൽ സൽമാൻ ഖാൻ, കജോൾ, രേഖ, തബു, അനിൽ കപൂർ തുടങ്ങിയവർ പങ്കെടുത്തിരുന്നു. അമ്മ പൂനം സിന്‍ഹയുടെ വിവാഹ വസ്ത്രമായ ഐവറി നിറത്തിലുള്ള സാരിയാണ് സൊനാക്ഷി ചടങ്ങിൽ ധരിച്ചിരുന്നത്. 44 വര്‍ഷം പഴക്കമുള്ളതാണ് ഈ സാരി. പൂനം സിന്‍ഹയുടെ തന്നെ ചില ആഭരണങ്ങളും താരം അണിഞ്ഞിരുന്നു.
View this post on Instagram
