ഗോകുൽ സുരേഷ്, ഗണേഷ് കുമാർ, അജു വർഗീസ്, അനാർക്കലി മരക്കാർ എന്നിവരെ പ്രധാന കഥാപാത്രങ്ങളാക്കി അരുൺ ചന്തു സംവിധാനം ചെയ്ത് പ്രദർശനത്തിന് എത്തിയ ചിത്രമാണ് ഗഗനചാരി. ഡിസ്ടോപ്പിയൻ എലിയൻ ചിത്രമായി എത്തിയ ഗഗനചാരിക്ക് വൻ പ്രേക്ഷക പിന്തുണയാണ് ലഭിക്കുന്നത്. നവയുഗ സിനിമാപ്രേമികളും നിരൂപകരെയും സിനിമ ഞെട്ടിച്ചു. ചിത്രത്തിന്റെ വിജയത്തിന് പിന്നാലെ ആരാധകരെ ആവേശം കൊള്ളിക്കുന്ന മറ്റൊരു പ്രഖ്യാപനം നടത്തിയിരിക്കുകയാണ് അരുൺ ചന്തു. സുരേഷ് ഗോപിയെ നായകനാക്കി മറ്റൊരു സയൻസ് കോമഡി ചിത്രത്തിലേക്ക് കടക്കുകയാണ് സംവിധായകൻ.
സുരേഷ് ഗോപിയുടെ ഔദ്യോഗിക ഫേസ്ബുക്ക് പേജിലൂടെയാണ് പുതിയ ചിത്രത്തിന്റെ പ്രഖ്യാപനം. “എല്ലാവർക്കും ഒരു ചെറിയ സർപ്രൈസ് ഇതാ. പ്രപഞ്ചത്തിൽ അലഞ്ഞുതിരിയുന്നയാൾ. ഗഗനാചാരി യൂണിവേഴ്സലിലെ ഭ്രാന്തൻ ശാസ്ത്രജ്ഞൻ. ഇതാ “മണിയൻ ചിറ്റപ്പൻ” – എന്ന അടിക്കുറിപ്പോടെയാണ് ക്യാരക്ടർ വീഡിയോ പുറത്തിറക്കിയിരിക്കുന്നത്. വ്യത്യസ്തമായ ലുക്കിലാണ് സുരേഷ് ഗോപി ഇതിൽ പ്രത്യക്ഷപ്പെട്ടിരിക്കുന്നത്.
അരുൺ ചന്തു, ശിവ സായ് ചേർന്നാണ് മണിയൻ ചിറ്റപ്പന്റെയും തിരക്കഥ എഴുതുന്നത്. ഗഗനചാരി പ്രദർശനത്തിന് എത്തിച്ച അജിത്ത് വിനായക ഫിലിംസ് തന്നെയാണ് പുതിയ സിനിമയും നിർമ്മിക്കുന്നത്. ഗഗനചാരി യൂണിവേഴ്സിലേക്ക് സുരേഷ് ഗോപി കൂടി വരുന്ന ആവേശത്തിലാണ് ആരാധകർ.
