ആലപ്പുഴ: 70ാമത് നെഹ്റു ട്രോഫി വള്ളംകളിയുടെ ഉദ്ഘാടകനായി എം എസ് ധോണി എത്തിയേക്കുമെന്ന് റിപ്പോർട്ട്. സബ് കളക്ടർ സമീർ കിഷന്റെ നേതൃത്വത്തിലുള്ള സംഘം ഇതിനായുള്ള ശ്രമം ആരംഭിച്ചതായാണ് വിവരം. ധോണിയുടെ പരിശീലകരിൽ ഒരാളുമായി അടുത്ത ബന്ധമാണ് സബ് കളക്ടർക്കുള്ളത്. ഈ സൗഹൃദം വഴിയാണ് ധോണിയെ ഉദ്ഘാടനത്തിനായി സമീപിച്ചത്. ലണ്ടനിലുള്ള താരം എത്തുന്ന കാര്യത്തിൽ ഇതുവരെയും ഉറപ്പ് ലഭിച്ചിട്ടില്ല.
67-ാമത് നെഹ്റു ട്രോഫി വള്ളംകളിയിൽ മുഖ്യാതിഥിയായി ക്രിക്കറ്റ് ഇതിഹാസം സച്ചിൻ ടെൻഡുൽക്കർ പങ്കെടുത്തിരുന്നു. 10നാണ് നെഹ്റു ട്രോഫി വള്ളംകളി. ജൂലൈ 2 വരെ വള്ളം കളിക്കുള്ള ഭാഗ്യ ചിഹ്നം പൊതുജനങ്ങൾക്ക് വരച്ച് നൽകാം. തിരഞ്ഞെടുക്കുപ്പെടുന്ന സൃഷ്ടിക്ക് 10,001 രൂപയും സമ്മാനമായി നൽകും. എ4 സെസ് പേപ്പറിൽ മൾട്ടി കളറിലാണ് ചിത്രങ്ങൾ അയക്കേണ്ടത്. എൻട്രികൾക്കൊപ്പം പേരും വിലാസവും ഉണ്ടായിരിക്കണം.
എൻട്രികൾ അയക്കേണ്ട വിലാസം:
കൺവീനർ, നെഹ്റു ട്രോഫി പബ്ലിസിറ്റി കമ്മിറ്റി, ജില്ലാ ഇൻഫർമേഷൻ ഓഫീസ്, സിവിൽ സ്റ്റേഷൻ, ആലപ്പുഴ- 688001
