കാലാകാലങ്ങളിൽ പല തരത്തിലുള്ള ഹെയർ സ്റ്റൈലുകൾ ശ്രദ്ധ നേടാറുണ്ട് . സോഷ്യൽ മീഡിയയിൽ ശ്രദ്ധ നേടാൻ ശരീരത്തിലും , തലമുടിയിലുമായി പല തരത്തിലുള്ള മാറ്റങ്ങൾ വരുത്തുന്നവരുമുണ്ട്. ഇപ്പോഴിതാ അത്തരത്തിലൊരു വീഡിയോ പുറത്ത് വന്നിരിക്കുകയാണ്. ഈ വീഡിയോയിലെ പെൺകുട്ടിയുടെ ഹെയർ സ്‌റ്റൈലാണ് ഇപ്പോൾ ചർച്ചാ വിഷയം.
പാട്ട് പാടി നിൽക്കുന്ന പെൺകുട്ടിയെയാണ് ദൃശ്യങ്ങളിൽ കാണുന്നത് . എന്നാൽ കുട്ടിയുടെ പാട്ടല്ല , മുടിയാണ് ആളുകൾ ആദ്യം ശ്രദ്ധിക്കുക . കോഴിയുടെ ആകൃതിയിലാണ് മുടിയുടെ സ്റ്റൈൽ രൂപപ്പെടുത്തിയിരിക്കുന്നത് . ദൂരെ നിന്ന് നോക്കിയാൽ തലയിൽ ഒരു കോഴി ഇരിക്കുന്നത് പോലെ തന്നെയാണ് തോന്നുക. ഇത്തരമൊരു ഹെയർ സ്റ്റൈൽ ആദ്യമായാണ് കാണുന്നതെന്നാണ് പലരും കമന്റ് ചെയ്തിരിക്കുന്നത് . സ്‌റ്റൈലറ സാമി എന്നാണ് പലരും ഈ സ്റ്റൈലിനെ വിശേഷിപ്പിച്ചിരിക്കുന്നത് .
