മൈക്രോ ബ്ലോഗിംഗ് സൈറ്റായ എക്സിൽ (ട്വിറ്ററിന്റെ പുതിയ രൂപം- X) ഏറ്റവുമധികം ജനപിന്തുണയുള്ള ആഗോളനേതാവെന്ന നേട്ടം സ്വന്തമാക്കി പ്രധാനമന്ത്രി നരേന്ദ്രമോദി. ഏറ്റവുമധികം X യൂസേഴ്സ് ഫോളോ ചെയ്യുന്ന ആഗോളനേതാവെന്ന ഖ്യാതിയാണ് മോദി സ്വന്തമാക്കിയത്. എക്സിൽ നരേന്ദ്രമോദിയെ പിന്തുടരുന്നത് 100 മില്യൺ ഫോളോവേഴ്സാണ്. യുഎസ് പ്രസിഡന്റ് ജോ ബൈഡനേക്കാളും (38.1 മില്യൺ), ദുബായ് ഭരണാധികാരി ഷെയ്ഖ് മുഹമ്മദിനേക്കാളും (11.2 മില്യൺ) ഫ്രാൻസീസ് മാർപാപ്പയേക്കാളും (18.5 മില്യൺ) ബഹുദൂരം മുന്നിലാണ് പ്രധാനമന്ത്രി നരേന്ദ്രമോദി. 2009ലാണ് മോദി ട്വിറ്ററിൽ ജോയിൻ ചെയ്തത്.
A hundred million on @X!
Happy to be on this vibrant medium and cherish the discussion, debate, insights, people’s blessings, constructive criticism and more.
Looking forward to an equally engaging time in the future as well. pic.twitter.com/Gcl16wsSM5
— Narendra Modi (@narendramodi) July 14, 2024
ഇന്ത്യൻ നേതാക്കളെ ഫോളോ ചെയ്യുന്നവരുടെ കണക്ക് പരിശോധിച്ചാൽ രാജ്യത്ത് ഏറ്റവുമധികം ഫോളോവേഴ്സുള്ള രാഷ്ട്രീയക്കാരനും മോദിയാണ്. പ്രതിപക്ഷ നേതാവ് രാഹുലിന് 26.4 മില്യണും ഡൽഹി മുഖ്യമന്ത്രി കെജ്രിവാളിന് 27.5 മില്യണുമാണ് ഫോളോവേഴ്സ്. എല്ലാ പ്രതിപക്ഷ പാർട്ടി നേതാക്കന്മാരേക്കാളും ജനപിന്തുണ മോദിക്ക് തന്നെയാണെന്ന് എക്സിൽ നിന്നുള്ള കണക്ക് വ്യക്തമാക്കുന്നു.
രാഷ്ട്രീയ നേതാക്കൾ മാത്രമല്ല, ആഗോളജനപ്രീതി നേടിയിട്ടുള്ള പല കായികതാരങ്ങളേക്കാൾ ഫോളോവേഴ്സ് മോദിക്കുണ്ട്. ക്രിക്കറ്റ് താരം വിരാട് കോലി (64.1 മില്യൺ), ഫുട്ബോൾ താരം നെയ്മർ ജൂനിയർ (63.6 മില്യൺ), അമേരിക്കൻ ബാസ്കറ്റ്ബോൾ താരം ലെബ്രോൺ ജെയിംസ് (52.9 മില്യൺ) എന്നിവർക്ക് നരേന്ദ്രമോദിയേക്കാൾ കുറവ് ഫോളോവേഴ്സാണുള്ളത്.
സെലിബ്രിറ്റികളായ ടെയ്ലർ സ്വിഫ്റ്റ് (95.3 മില്യൺ), ലേഡി ഗാഗ (83.1 മില്യൺ), കിം കാർദഷിയാൻ (75.2 മില്യൺ) എന്നിവരെയും ഇന്ത്യൻ പ്രധാനമന്ത്രി പിന്നിലാക്കി. കഴിഞ്ഞ മൂന്ന് വർഷത്തിനിടെ മാത്രം 30 മില്യൺ എക്സ് യൂസേഴ്സാണ് മോദിയെ ഫോളോ ചെയ്തത്. എക്സിൽ നരേന്ദ്രമോദിക്കുള്ള ജനപ്രീതി കാരണം പല ആഗോളനേതാക്കളും മോദിയുമായി ഇടപെഴകാൻ താത്പര്യപ്പെടാറുണ്ട്.
