ദിനംപ്രതി ആയിരങ്ങളാണ് പല തരത്തിലുള്ള നേട്ടങ്ങൾക്ക് റെക്കോർഡുകൾ നേടുന്നത്. ഗിന്നസ് ലോക റെക്കോർഡിൽ ഇടം പിടിക്കാനായി സാഹസിക പ്രവർത്തനങ്ങൾ വരെ ചെയ്യുന്നവരുണ്ട്. ചിലത് രസകരമായ റെക്കോർഡുകളാണെങ്കിൽ മറ്റ് ചിലത് അതിസാഹസികമായ റെക്കോർഡുകളാണ്. അത്തരത്തിലൊരു റെക്കോർഡ് വീഡിയോ ഗിന്നസ് വേൾഡ് റെക്കോർഡിന്റെ ഔദ്യോഗിക വെബ്സൈറ്റിൽ പ്രത്യക്ഷപ്പെട്ടിട്ടുണ്ട്.
കാണുമ്പോൾ വളരെ രസകരമെന്ന് തോന്നുമെങ്കിലും സംഗതി അങ്ങനെയല്ല. 30 സെക്കൻഡ് കൊണ്ട് ഏറ്റവും കൂടുതൽ ഡ്രിങ്കിംഗ് കാനുകൾ തല കൊണ്ട് പൊട്ടിച്ചതിനുള്ള റെക്കോർഡാണ് പാകിസ്താൻ സ്വദേശിയായ 59-കാരൻ മുഹമ്മദ് റഷിദ് സ്വന്തമാക്കിയത്. 39 കാനുകളാണ് റഷിദ് പൊട്ടിച്ചത്. സ്വന്തം റെക്കോർഡ് തന്നെയാണ് റഷിദ് തകർത്തത്. കഴിഞ്ഞ വർഷം ഒരു മിനിറ്റ് കൊണ്ട് 58 കാനുകളാണ് ഇദ്ദേഹം തല കൊണ്ട് അടിച്ച് പൊട്ടിച്ചത്.
റെക്കോർഡ് കരസ്ഥമാക്കിയെങ്കിലും റഷിദിന്റെ പ്രവൃത്തിയോട് സോഷ്യൽ മീഡിയ മുഖം തിരിക്കുകയാണ്. വെല്ലുവിളികൾ നിറഞ്ഞതാണെന്നും അത്തരത്തിൽ അപകടം നിറഞ്ഞ പ്രവൃത്തികൾക്ക് റെക്കോർഡ് നൽകി പ്രോത്സാഹിപ്പിക്കരുതെന്നാണ് ഉപയോക്താക്കൾ പറയുന്നത്. സാരമായ പരിക്കേറ്റിട്ടുണ്ടാകുമെന്നും ഗിന്നസ് സർട്ടിഫിക്കറ്റിനൊപ്പം കുറച്ച് പണം കൂടി നൽകണമെന്നാണ് മറ്റൊരു ഉപയോക്താവ് പറഞ്ഞത്.
View this post on Instagram
