ഇന്ത്യയ്ക്കായി വരാനിരിക്കുന്ന ബസാൾട്ട് എസ്യുവി കൂപ്പെയുടെ ചിത്രങ്ങൾ പുറത്തുവിട്ട് സിട്രോൺ. ആഗസ്റ്റ് രണ്ടിന് ആഗോളതലത്തിൽ വാഹനം അരങ്ങേറ്റം കുറിക്കും. C3 Aircross-മായി Citroen Basalt അതിന്റെ ലുക്കിൽ സാമ്യമുണ്ട്. ചില സമാനതകൾ ഉണ്ടെങ്കിലും, ഇതിന് ഒരു പ്രത്യേക കൂപ്പെ ഡിസൈൻ കമ്പനി നൽകിയിരിക്കുന്നു. LED DRL-കളോട് കൂടിയ സ്പ്ലിറ്റ് ഹെഡ്ലാമ്പുകൾ, റാപ്പറൗണ്ട് ടെയിൽലൈറ്റുകൾ, സ്ക്വയർ-ഇഷ് വീൽ ആർച്ചുകൾ എന്നിവയാണ് എസ്യുവിയുടെ സവിശേഷത.
1974 CX പോലെയുള്ള മോഡലുകൾക്കും സമീപകാലത്തെ C4- പോലെയുള്ള മോഡലുകൾക്കും സമാനമായ റൂഫ് ലൈനാണ് ബസാൾട്ട് എസ്യുവി കൂപ്പെയുടേത്. ബസാൾട്ടിന്റെ ഉൾവശവും C3 എയർക്രോസിന് സമാനമായിരിക്കുമെന്ന് പ്രതീക്ഷിക്കുന്നു. 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെൻ്റ് സിസ്റ്റം, ഡിജിറ്റൽ ഇൻസ്ട്രുമെൻ്റ് ക്ലസ്റ്റർ, ഓട്ടോമാറ്റിക് ക്ലൈമറ്റ് കൺട്രോൾ, വയർലെസ് ചാർജിംഗ് എന്നിവയും അതിലേറെയും ഫീച്ചറുകൾ ലഭിക്കാൻ സാധ്യതയുണ്ട്.
C3 എയർക്രോസിന് കരുത്ത് പകരുന്ന അതേ 1.2-ലിറ്റർ ടർബോ-പെട്രോൾ എഞ്ചിനിലാണ് ബസാൾട്ടും എത്തുന്നത്. ഈ എഞ്ചിൻ 109 BHP ഉം 205 Nm ഉം ഉത്പാദിപ്പിക്കുന്നു. കൂടാതെ 6-സ്പീഡ് മാനുവൽ അല്ലെങ്കിൽ 6-സ്പീഡ് ഓട്ടോമാറ്റിക് ട്രാൻസ്മിഷനാണ് വാഹത്തിന്റേത്. സിട്രോൺ ബസാൾട്ട് ഇന്ത്യൻ വിപണിയിൽ ടാറ്റ Curvv-മായി മത്സരിക്കും.
