ബെസ്റ്റ് കണ്ണാ ബെസ്റ്റ്, ബസാൾട്ട് വരുന്നൂ, ബാക്കിയുള്ളവർ റെസ്റ്റ്; സിട്രോൺ ബസാൾട്ടിന്റെ പ്രമോ വീഡിയോ പുറത്ത്

സിട്രോയിൻ തങ്ങളുടെ പുതിയ വാഹനമായ ബസാൾട്ട് ഇന്ത്യൻ വിപണിയിൽ അവതരിപ്പിക്കാൻ ഒരുങ്ങുകയാണ്. താങ്ങാനാവുന്ന സെഗ്‌മെൻ്റിലെ ആദ്യത്തെ കൂപ്പെ എസ്‌യുവിയായിരിക്കും സിട്രോൺ ബസാൾട്ട്. ഉടൻ വിപണിയിലെത്താനിരിക്കുന്ന ടാറ്റ കർവ്വി പോലുള്ള കാറുകളുമായാണ് ഈ എസ്‌യുവി മത്സരിക്കുക. ഇപ്പോഴിതാ, ബസാൾട്ടിന്റെ പുതിയ പ്രൊമോ വീഡിയോ പുറത്തിറങ്ങിയിരിക്കുകയാണ്. പ്രശസ്ത ഇന്ത്യൻ ഫാഷൻ ഡിസൈനർ മസാബ ഗുപ്തയാണ് വീഡിയോയിൽ വാഹനത്തെ പരിചയപ്പെടുത്തുന്നത്.

ബ്രൂട്ട് ഇന്ത്യയുടെ യൂട്യൂബ് ചാനലിലൂടെയാണ് പ്രമോ വീഡിയോ പുറത്തുവിട്ടത്. Citroën അവരുടെ ഔദ്യോഗിക YouTube ചാനലിൽ എന്തുകൊണ്ട് വീഡിയോ പോസ്റ്റ് ചെയ്തില്ലാ എന്ന് വാഹനപ്രേമികൾ ചോദിക്കുന്നുണ്ട്. ഇത് പണം കൊടുത്തുള്ള പ്രമോഷനായിരിക്കാം. മസാബ തന്റെ ശൈലിയെക്കുറിച്ചും ഡിസൈനുകളിൽ ജോലി ചെയ്യുന്ന രീതിയെക്കുറിച്ചും പറഞ്ഞുകൊണ്ടാണ് വീഡിയോ ആരംഭിക്കുന്നത്. പിന്നീട് ബസാൾട്ട് SUVയെ പരിചയപ്പെടുത്തുകയായിരുന്നു.

മുൻ മോഡലുകളെ അപേക്ഷിച്ച് ബസാൾട്ടിൽ ചില മാറ്റങ്ങൾ വരുത്തിയിട്ടുണ്ട്. വീഡിയോയിൽ കാണുന്ന ബസാൾട്ടിന് പ്രൊജക്ടർ എൽഇഡി ഹെഡ്‌ലാമ്പുകൾ, എൽഇഡി ഡിആർഎല്ലുകൾ, Y-ആകൃതിയിലുള്ള DRL-കൾ, ഷെവ്‌റോൺ ലോഗോ എന്നിവയുണ്ട്.

എസ്‌യുവിയുടെ മുൻഭാഗം സി3 എയർക്രോസ് പോലെയാണ് ഡിസൈൻ ചെയ്തിരിക്കുന്നത്. ഫോഗ് ലാമ്പുകളും വെള്ളി നിറത്തിലുള്ള ഫോക്സ് സ്കിഡ് പ്ലേറ്റുകളും ഉണ്ട്. ഡ്യുവൽ-ടോൺ അലോയ് വീലുകൾ, കൂടാതെ സിട്രോയിൻ ബസാൾട്ടിനൊപ്പം വൈദ്യുതപരമായി ക്രമീകരിക്കാവുന്നതും മടക്കാവുന്നതുമായ ORVM-കളും വാഹനത്തിന് നൽകിയിരിക്കുന്നു.

സീറ്റുകളിലെ പാറ്റേണും ഷേഡും C3 എയർക്രോസ് എസ്‌യുവിയിൽ കണ്ടതിന് സമാനമാണ്. ഇത് ഫാബ്രിക്, ലെതറെറ്റ് മെറ്റീരിയൽ എന്നിവയുടെ മിശ്രിതമിയിരിക്കും. ഈ വീഡിയോയിൽ എസ്‌യുവിയുടെ ഡാഷ്‌ബോർഡ് കാണിക്കുന്നില്ല. എന്നിരുന്നാലും C3 എയർക്രോസിന്റെ അതേ ലേഔട്ട് പ്രതീക്ഷിക്കുന്നു. ഓട്ടോമാറ്റിക് ക്ലൈമറ്റ് കൺട്രോൾ, ക്രൂയിസ് കൺട്രോൾ, പുഷ്-ബട്ടൺ സ്റ്റാർട്ട്/സ്റ്റോപ്പ് തുടങ്ങിയ ഫീച്ചറുകൾ സിട്രോയിൻ വാഗ്ദാനം ചെയ്തേക്കാം. എസ്‌യുവിക്ക് 10.1 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റവും ഡിജിറ്റൽ ഇൻസ്ട്രുമെൻ്റ് ക്ലസ്റ്ററും മൾട്ടി-ഫംഗ്ഷൻ സ്റ്റിയറിംഗ് വീലും ലഭിക്കും.

C3 എയർക്രോസിൽ ഇതിനകം ഉപയോഗിച്ചിരിക്കുന്ന 1.2-ലിറ്റർ, 3-സിലിണ്ടർ ടർബോചാർജ്ഡ് പെട്രോൾ എഞ്ചിനാണ് ഇതിന് കരുത്തേകുന്നത്. 6-സ്പീഡ് മാനുവൽ, 6-സ്പീഡ് ഓട്ടോമാറ്റിക് ടോർക്ക് കൺവെർട്ടർ ഓപ്ഷനുകൾ സിട്രോയിൻ ബസാൾട്ട് വാഗ്ദാനം ചെയ്യുമെന്ന് പ്രതീക്ഷിക്കുന്നു.