മിക്ക ഇരുചക്ര വാഹന നിർമ്മാണ കമ്പനികളും അവരുടെ ഇലക്ട്രിക് വാഹനങ്ങൾ വിപണികളിൽ കൊണ്ടുവന്നു കഴിഞ്ഞു. പല കമ്പനികളും തങ്ങളുടെ ഇലക്ട്രിക് ബൈക്കുകളോ സ്കൂട്ടറുകളോ ഇതിനകം തന്നെ പുറത്തിറക്കിയിട്ടുണ്ട്. ചില കമ്പനികൾ പുറത്തിറക്കാൻ പദ്ധതിയിടുന്നു. ഇപ്പോഴിതാ റോയൽ എൻഫീൽഡും ഇലക്ട്രിക് ഇരുചക്രവാഹന വിപണിയിലേക്ക് കടക്കാൻ ഒരുങ്ങുകയാണ്. തങ്ങളുടെ പുതിയ ഇലക്ട്രിക് മോട്ടോർസൈക്കിളിന്റെ ഡിസൈൻ വെളിപ്പെടുത്തിയിരിക്കുകയാണ് റോയൽ എൻഫീൽഡ്.
ഇതിന്റെ രൂപകൽപ്പനയെക്കുറിച്ച് പറയുകയാണെങ്കിൽ, ക്ലാസിക്കൽ ശൈലിയിലുള്ള ബോബറിന്റെ ഫോം ഫാക്ടർ ഉണ്ടായിരിക്കും. റേക്ക്-ഔട്ട് ഫ്രണ്ട് എൻഡ്, സ്കൂപ്പ്-ഔട്ട് സോളോ സാഡിൽ, ഓപ്പൺ, സ്ലോപ്പിംഗ് റിയർ ഫെൻഡർ എന്നിവ ഉണ്ടായിരിക്കാം. റോയൽ എൻഫീൽഡ് ഇലക്ട്രിക് ബൈക്കിൽ ഒരു പില്യൺ വഹിക്കാനുള്ള സംവിധാനമുണ്ടാകും. ഇതിന്റെ ഷാസി ഡിസൈൻ തികച്ചും അദ്വിതീയമായിരിക്കും.’ഫ്യുവൽ ടാങ്ക്’ ഏരിയയിലെ ലൂപ്പിംഗ് ഫ്രെയിം പ്രൊഡക്ഷൻ മോട്ടോർസൈക്കിളുകളിൽ നിന്ന് തികച്ചും വ്യത്യസ്തമാണ്. ഒരു നൂറ്റാണ്ട് മുമ്പുള്ള ക്ലാസിക് മോട്ടോർസൈക്കിളുകൾക്ക് സമാനമായി കാണപ്പെടും.
പുതിയ മോട്ടോർസൈക്കിളിന് നൽകാൻ പോകുന്ന ബാറ്ററി പാക്കിന്റെ വലുപ്പം വ്യക്തമല്ല. ഇലക്ട്രിക് മോട്ടോറും വളരെ ശക്തമാകുമെന്നും ബെൽറ്റ് ഡ്രൈവ് ഉപയോഗിച്ച് പിൻ ചക്രത്തിലേക്ക് പവർ കൈമാറുമെന്നും പ്രതീക്ഷിക്കുന്നു. ഈ ഇലക്ട്രിക് ബൈക്ക് 2024-25ൽ അവതരിപ്പിക്കുമെന്ന് പ്രതീക്ഷിക്കുന്നു. ഏകദേശം 2.50 ലക്ഷം രൂപയാണ് മോട്ടോർസൈക്കിളിന് പ്രതീക്ഷിക്കുന്നത്.
