അറസ്റ്റിലായ തെലുങ്ക് സിനിമ നൃത്തസംവിധായകൻ ജാനി മാസ്റ്റർ എന്നറിയപ്പെടുന്ന ഷെയ്ഖ് ജാനി ബാഷയുടെ ഭാര്യ ആയിഷയ്‌ക്കെതിരെയും യുവതിയുടെ പരാതി. തന്നെ മതം മാറ്റാൻ ആയിഷ ശ്രമിച്ചുവെന്നാണ് യുവതിയുടെ പരാതി .
മതംമാറി ഭർത്താവിനെ വിവാഹം കഴിക്കാൻ ആയിഷ തന്നോട് ആവശ്യപ്പെട്ടതായും യുവതി പരാതിയിൽ പറയുന്നുണ്ട്. ആയിഷ തന്നെ പലതവണ ആക്രമിക്കുകയും ചെയ്തുവെന്നും യുവതി പറഞ്ഞു . നിലവിൽ ആയിഷയ്‌ക്കെതിരെ പോലീസ് കേസെടുത്തു. അടുത്തിടെ ആയിഷ യുവതിയുടെ വീട്ടിലെത്തി ആക്രമിക്കാൻ ശ്രമിച്ചുവെന്നും പരാതിയുണ്ട് . ഇവരെ അറസ്റ്റ് ചെയ്യാൻ പോലീസ് ഒരുങ്ങുകയാണെന്നാണ് റിപ്പോർട്ട്.
അതേസമയം തന്റെ പേര് സുമലത എന്നാണെന്നും , താൻ ബുർഖ ഒന്നും ധരിക്കാറില്ലെന്നും , ഇതിൽ ലൗജിഹാദ് ആരോപണം ഉന്നയിക്കേണ്ട കാര്യമില്ലെന്നുമാണ് ആയിഷയുടെ നിലപാട്.
