സൗത്ത് ഏഷ്യൻ ട്രാവൽസ് അവാർഡ്; സിൽവർ അവാർഡുകൾ നേടി ഉദയ സമുദ്ര ഗ്രൂപ്പ് ഓഫ് ഹോട്ടൽസ്

തിരുവനന്തപുരം: സൗത്ത് ഏഷ്യൻ ട്രാവൽസ് അവാർഡുകളിൽ സിൽവർ അവാർഡുകൾ നേടി ഉദയ സമുദ്ര ഗ്രൂപ്പ് ഓഫ് ഹോട്ടൽസ്. ഹോട്ടൽ ആൻഡ് ഹോസ്പിറ്റാലിറ്റി രംഗത്തെ മികവിനുള്ള 5 അവാർഡുകളാണ് ഇത്തവണ യുഡിഎസ് ഗ്രൂപ്പിന് ലഭിച്ചത്

ഫൈവ് സ്റ്റാർ ഹോട്ടലുകളിലെ ഹോസ്പിറ്റാലിറ്റി രംഗത്തെ മികവിന് കോവളത്തെ ഉദയ് സമുദ്ര ലഷർ ബീച്ച് ഹോട്ടൽ ആൻഡ് സ്പായും, മികച്ച ഫാമിലി ബാക്ക് വാട്ടർ റിസോർട്ടിന് ആലപ്പുഴയിലെ ഉദയ ബാക്ക് വാട്ടർ റിസോർട്ടുമാണ് സിൽവർ മെഡലുകൾ സ്വന്തമാക്കിയത്.

നേപ്പാളിലെ കാഠ്മണ്ഡുവിൽ നടന്ന ചടങ്ങിൽ സ്‌കാൾ നേപ്പാൾ അസോസിയേഷൻ പ്രസിഡൻറ് മഹേന്ദ്രർ യുഡിഎസ് ഗ്രൂപ്പ് ഓഫ് ഹോട്ടൽ സിഇഒ രാജഗോപാൽ അയ്യർക്ക് അവാർഡുകൾ സമ്മാനിച്ചു.