20 വർഷമാണ് ഒരുകേസിന്റെ പേരിൽ ക്രൂശിക്കപ്പെട്ടതെന്ന് നടി പ്രിയങ്ക. യുട്യൂബ് ചാനലിന് നൽകിയ അഭിമുഖത്തിലാണ് തനിക്കെതിരെയുണ്ടായ കേസിനെക്കുറിച്ചും അത് മറികടന്നതിനെക്കുറിച്ചും നടി വ്യക്തമാക്കിയത്. “നടി കാവേരിയാണ് എനിക്കെതിരെ പരാതി നൽകിയത്”.2004 ഫെബ്രുവരി 10ന് തിരുവല്ല പൊലീസാണ് നടി കാവേരിയെ ഭീഷണിപ്പെടുത്തി പണം തട്ടാൻ ശ്രമിച്ചെന്ന കുറ്റം ആരോപിച്ച് പ്രിയങ്കയ്‌ക്കെതിരെ കേസെടുക്കുന്നത്. 20 വർഷത്തിന് ശേഷമാണ് തിരുവല്ല മജിസ്ട്രേറ്റ് കോടതി പ്രിയങ്കയെ കുറ്റവിമുക്തയാക്കുന്നത്.
ക്രൈം വാരികയിൽ മകളെക്കുറിച്ച് അപകീർത്തികരമായ വാർത്ത പ്രസിദ്ധീകരിക്കുമെന്നും ഇല്ലെങ്കിൽ അഞ്ചുലക്ഷം രൂപ നൽകമെന്നുള്ള ഭീഷണിയായിരുന്നു കാവേരിയുടെ അമ്മയ്‌ക്ക് ലഭിച്ച ഫോൺകോളിലുണ്ടായിരുന്നത്. കാവേരിയുടെ അമ്മ വാരികയിൽ വിളിച്ച് ചോദിച്ചപ്പോൾ അത്തരം വാർത്തയൊന്നും ഇല്ലെന്നായിരുന്നു മറുപടി. പിന്നീടാണ് അന്വേഷണം പ്രിയങ്കയിലേക്ക് എത്തുന്നത്.
മൂന്നുലക്ഷം നൽകാമെന്ന് പറഞ്ഞ് കാവേരിയുടെ അമ്മയെകൊണ്ട് പ്രിയങ്കയെ ആലപ്പുഴയിലെ ഹോട്ടലിലേക്ക് പൊലീസ് വിളിച്ചുവരുത്തി. ഇതിന് മുന്നിൽ വച്ചാണ് അറസ്റ്റ് ചെയ്യുന്നതും. ആൾമാറാട്ടം, ഭീഷണി, പണം തട്ടിയെടുക്കൽ തുടങ്ങിയവയിരുന്നു കുറ്റങ്ങൾ. 2012ൽ കുറ്റപത്രം സമർപ്പിച്ച കേസിൽ 2015-ലാണ് വിചാരണ തുടങ്ങുന്നത്. 2021 സെപ്റ്റംബറിലാണ് തെളിവുകളെല്ലാം പരിശോധിച്ച കോടതിയെ പ്രിയങ്ക നിരപരാധിയാണെന്ന് വിധിക്കുന്നത്.
തന്റെ ഫോണിലേക്ക് വന്ന അജ്ഞാത ഫോൺകോളിൽ നിന്നാണ് സംഭവങ്ങളുടെ തുടക്കമെന്നാണ് പ്രിയങ്ക വ്യക്തമാക്കുന്നത്. “കാവേരിക്കെതിരെ അപകീർത്തികരമായ വാർത്ത വാരികയിൽ വരുമെന്നാണ് പറഞ്ഞത്. തുക ആവശ്യപ്പെട്ട കാര്യവും ഭീഷണി വന്നകാര്യവും പ്രിയങ്ക കാവേരിയുടെ അമ്മയെ അറിയിച്ചു. പിന്നാലെ അവർ ആവശ്യപ്പെട്ട പ്രകാരമാണ് താൻ ആലപ്പുഴയിലേക്ക് പോയത്. തുടർന്നാണ് അതാെരു കെണിയാണെന്ന് മനസിലായതെന്നും തന്റെ ഫോണിലേക്ക് വന്ന കോളിന്റെ വിവരങ്ങൾ പൊലീസിന് കൈമാറിയെങ്കിലും അറസ്റ്റിലായെന്നും” നടി പറഞ്ഞു. ക്രൈം നന്ദകുമാറാണ് കേസിന് പിന്നിൽ കളിച്ചതെന്നാണ് പ്രിയങ്ക ഉറച്ചുവിശ്വസിക്കുന്നത്.
