ആരോഗ്യവും ദീർഘായുസും ആഗ്രഹിക്കാത്തവരായി ആരുമുണ്ടാകില്ല. അതിനായി നിരവധി കാര്യങ്ങളാണ് നമ്മൾ ചെയ്യുന്നത്. യുവത്വം നിലനിർത്തുന്നവരിൽ എക്കാലവും മുൻപന്തിയിലാണ് ജപ്പാൻ ജനത. അവരുടെ ദീർഘായുസ് എക്കാവലും വാഴ്ത്തപ്പെടുകയാണ്. അസൂയയോടെയാണ് പലരും അവരെ നോക്കി കാണുന്നത്.
പരമ്പരാഗത ഭക്ഷണരീതിയും ആരോഗ്യകരമായ ജീവിതശൈലിയുമാണ് ജപ്പാൻ ജനതയുടെ ആരോഗ്യത്തിനും ആയുസിനും പിന്നിൽ. ജപ്പാൻകാരുടെ ചില ശീലങ്ങൾ ജീവിതത്തിന്റെ ഭാഗമാക്കിയാൽ നമുക്കും യുവത്വം നിലനിർത്താവുന്നതേയുള്ളൂ. അവയിതാ..
സമുദ്രവിഭവങ്ങൾ കൂടുതൽ കഴിക്കുക
ഒരു ദ്വീപ് രാജ്യമെന്ന നിലയിൽ സമുദ്ര വിഭവങ്ങളാണ് ജപ്പാൻകാരുടെ പ്രധാന വിഭവം. സാൽമൺ, അയല, കേര, തുടങ്ങിയവ സാധാരമയായി അവർ ഉപയോഗിക്കുന്നു. ഒമേഗ-3 ഫാറ്റി ആസിഡുകളാൽ സമ്പന്നമാണ് ഈ മത്സ്യങ്ങൾ. ഹൃദയാരോഗ്യത്തിനും തലച്ചോറിന്റെ ശരിയായ പ്രവർത്തനത്തിനും ശരീരത്തിലെ വീക്കം കുറയ്ക്കാനും ഇവ സഹായിക്കുന്നു.
വയററിഞ്ഞ് കഴിക്കണം
കുറച്ച് കുറച്ച് മാത്രം കഴിക്കുന്നതും ജപ്പാൻകാരുടെ പ്രത്യേകതയാണ്. വാരിവലിച്ച് കഴിക്കാതെ വയററിഞ്ഞ് കഴിക്കണം. ആസ്വദിച്ച് ഭക്ഷണം കഴിക്കുന്നവരാണ് ജാപ്പനീസുകാർ. ഇത് ദഹനത്തെ പ്രോത്സാഹിപ്പിക്കുന്നു, രുചികലെ ആഴത്തിൽ അറിയാൻ സഹായിക്കുന്നു.
പുളിപ്പിച്ച ഭക്ഷണം ശീലമാക്കുക
പ്രബയോട്ടിക്സ് അടങ്ങിയ പുളിപ്പിച്ച ഭക്ഷണം കഴിക്കുന്നതും ആരോഗ്യത്തിന് നല്ലതാണ്. കുടലിന്റെ ആരോഗ്യം നിലനിർത്താനും പ്രതിരോധ ശേഷി വർദ്ധിപ്പിക്കാനും ദഹനം മെച്ചപ്പെടുത്താനും മാനസികാരോഗ്യം മെച്ചപ്പെടുത്താനും പുളിപ്പിച്ച ഭക്ഷണം സഹായിക്കുന്നു. തൈര്, പനീർ, ബട്ടർമിൽക്ക്, ഇഡ്ഡലി, ദോശയൊക്കെ ഈ വിങാഗത്തിൽ വരുന്ന ഭക്ഷണങ്ങളാണ്.
സസ്യാധിഷ്ഠിത ചേരുവകൾ ഉപയോഗിക്കുക
പച്ചക്കറികൾ, കടൽപ്പായൽ എന്നിവയൊക്കെയാണ് ജപ്പാനീസുകാർ ഭക്ഷണത്തിന്റെ ഭാഗമാക്കുന്നത്. വിറ്റാമിനുകൾ, ആൻ്റി ഓക്സിഡൻ്റുകൾ എന്നിവയാൽ സമ്പന്നമാണ് അവ. കാൻസർ, പ്രമേഹം, കൊളസ്ട്രോൾ എന്നിവയിൽ നിന്ന് സസ്യാഹാരം സഹായിക്കുന്നു.
കുറച്ച് ചോറ് ഒരുപാട് കറി
നമ്മളെ പോലെ തന്ന ജാപ്പനീസുകാരുടെയും പ്രധാന ഭക്ഷണമാണ് ചോറ്. എന്നാൽ മറ്റ് വിഭവങ്ങൾക്കൊപ്പമാണ് അവർ ചോറ് കഴിക്കുന്നത്. ബ്രൗൺ റൈസ് ഉപയോഗിക്കുന്നതാണ് ഏറ്റവും നല്ലത്. നാരുകൾ, വിറ്റാമിനുകൾ, ധാതുക്കൾ എന്നിവയാൽ സമ്പന്നമാണ് ബ്രൗൺ റൈസ്.
പഴങ്ങളും പച്ചക്കറികളും
സീസണുകളില് മാത്രം ലഭിക്കുന്ന പഴങ്ങളാണ് ജപ്പാൻ ജനത അധികവും കഴിക്കുന്നത്. ഇവ പ്രത്യേക സമയത്ത് മാത്രം കഴിക്കുന്നത് കൂടുതൽ ആരോഗ്യ ഗുണങ്ങൾ നൽകുന്നു.
എണ്ണയും പഞ്ചസാരയും കുറച്ച് മാത്രം
ആവിയിൽ വേവിക്കുക, ചുട്ടെടുക്കുക, ഗ്രിൽ ചെയ്യുക തുടങ്ങിയവയിലാണ് ജാപ്പനീസുകാർ ശ്രദ്ധ കേന്ദ്രീകരിക്കുന്നത്. വളരെ കുറച്ച് എണ്ണ മാത്രമാണ് അവർ ഉപയോഗിക്കുന്നത്. മധുരത്തിൽ പൊതിഞ്ഞ കേക്കുകൾ ജപ്പാനിൽ കിട്ടില്ല. ഉയർന്ന കൊഴുപ്പും പഞ്ചസാരയും കേക്കിൽ അടങ്ങിയിട്ടിസ്സ. അമിതവണ്ണം, പ്രമേഹം, ഹൃദ്രോഗങ്ങൾ എന്നിവ തടയുന്നതിൽ ഇത് സഹായിക്കുന്നു
പതിവായി ഗ്രീൻ ടീ കുടിക്കുക
മലയാളിക്ക് ചായയും കാപ്പിയും പോലെയാണ് ജാപ്പനീസുകാർക്ക് ഗ്രീൻ ടീ. ഇവയിൽ അടങ്ങിയിട്ടുള്ള ആൻ്റി ഓക്സിഡന്റുകൾ വീക്കം കുറയ്ക്കുന്നു, ഹൃദയാരോഗ്യത്തെ പ്രോത്സാഹിപ്പിക്കുന്നു. ശരീരത്തിൽ നിന്ന് വിഷാംശത്തെ ഇല്ലാതാക്കാനും ദീർഘായുസിനും ഗ്രീൻ ടീ ശീലമാക്കാം.
