ടെന്നീസ് ഇതിഹാസം റാഫേൽ നദാൽ വിരമിക്കൽ പ്രഖ്യാപിച്ചു. 22 ഗ്രാൻഡ്സ്ലാം കിരീടങ്ങൾ ഉയർത്തിയ ഇതിഹാസം എക്സ് പോസ്റ്റിൽ പങ്കുവച്ച വീഡിയോയിലാണ് കോർട്ടിനോട് വിടപറയുന്ന കാര്യം വ്യക്തമാക്കിയത്. നവംബറില്‍ മലാഗയില്‍ നടക്കുന്ന ഡേവിസ് കപ്പ് ഫൈനലാകും സ്പെയിൻ താരത്തിന്റെ അവസാന ടൂർണമെന്റും മത്സരവും. പാരിസ് ഒളിമ്പ്കിസിന് ശേഷം താരം ഇതുവരെ റാക്കറ്റ് എടുത്തിട്ടില്ല. കളിമൺ കോർട്ടിലെ രാജാവെന്ന് വിളിക്കുന്ന നദാൽ ഫ്രഞ്ച് ഓപ്പണിൽ 14 തവണ ചാമ്പ്യനായ ഏക താരമാണ്. 24 ഗ്രാൻഡ്സ്ലാമുകൾ നേടിയ ജ്യോക്കോവിച്ച് മാത്രമാണ് കിരീടങ്ങളിൽ സ്പെയിൻകാരന് മുന്നിലുള്ളത്.
“നിങ്ങളെ ഞാൻ ഒരുകാര്യം അറിയിക്കുന്നു. പ്രൊഫഷണൽ ടെന്നീസിൽ നിന്ന് ഞാൻ വിരമിക്കുന്നു. ഇത് കുറച്ച് ബുദ്ധിമുട്ടുള്ള വർഷങ്ങളാണ്, പ്രത്യേകിച്ച് കടന്നുപോയ ഈ രണ്ടുവർഷം. പരിമിതികൾ ഇല്ലാതെ എനിക്ക് കളിക്കാൻ കഴിഞ്ഞെന്ന് കരുതുന്നില്ല. തീർച്ചയായും ഇതാെരു വളരെ കടുപ്പമേറിയ തീരുമാനമാണ്. ഇതിലേക്ക് എത്താൻ എനിക്ക് കുറച്ചധികം സമയം വേണ്ടിവന്നു”.
“എന്നാൽ ഈ ജീവിതത്തിൽ, എല്ലാത്തിനും ഒരു തുടക്കവും അവസാനവുമുണ്ട്, എനിക്ക് സങ്കൽപ്പിക്കാൻ കഴിയുന്നതിലും വളരെ ദൈർഘ്യമേറിയതും വിജയകരവുമായ ഒരു കരിയർ അവസാനിപ്പിക്കാൻ ഇത് ഉചിതമായ സമയമാണെന്ന് ഞാൻ കരുതുന്നു. പക്ഷേ, എന്റെ അവസാന ടൂർണമെൻ്റ് ഡേവിസ് കപ്പിന്റെ ഫൈനൽ ആകുന്നതും എന്റെ രാജ്യത്തെ പ്രതിനിധീകരിക്കുന്നതിനും ഞാൻ വളരെ ആവേശത്തിലാണ്”.—38 കാരൻ പറഞ്ഞു.
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi— Rafa Nadal (@RafaelNadal) October 10, 2024
