ന്യൂഡൽഹി ; ഇന്ത്യയോടുള്ള അടുപ്പം എന്നും തുറന്ന് പറഞ്ഞിട്ടുള്ള വ്യക്തിയാണ് മുൻ ഇംഗ്ലണ്ട് ക്രിക്കറ്റ് താരം കെവിൻ പീറ്റേഴ്സൺ . . ഓരോ തവണയും താൻ ഇന്ത്യയിൽ വരുമ്പോൾ, രാജ്യം മെച്ചപ്പെട്ടതിൽ നിന്ന് മികച്ചതിലേക്ക് മാറുമെന്നും , ഏറ്റവും പ്രിയപ്പെട്ട രാജ്യങ്ങളിലൊന്നാണ് ഇന്ത്യയെന്നും അദ്ദേഹം പറഞ്ഞിരുന്നു.
ഇപ്പോഴിതാ കുടുംബത്തിനൊപ്പം ഇന്ത്യയിലേയ്‌ക്ക് അവധിക്കാലം ആഘോഷിക്കാൻ വരുന്നുവെന്നാണ് അദ്ദേഹം വ്യക്തമാക്കിയിരിക്കുന്നത്. സമൂഹമാദ്ധ്യമത്തിൽ ഹിന്ദിയിലാണ് കെവിൻ പീറ്റേഴ്സന്റെ കുറിപ്പ്.
मैं अगले सप्ताह अपने परिवार के साथ छुट्टियों पर भारत आ रहा हूँ। यह एक परिवार के रूप में मेरे सबसे पसंदीदा देशों में से एक की हमारी पहली यात्रा होगी। मुझे यकीन है कि मेरे बच्चे भारत माता और उसके लोगों से उतना ही प्यार करेंगे जितना मैं करता हूँ! 🙏🏽
— Kevin Pietersen🦏 (@KP24) October 12, 2024
‘ അടുത്തയാഴ്ച കുടുംബത്തോടൊപ്പം അവധിക്ക് ഞാൻ ഇന്ത്യയിലേക്ക് വരുന്നു. എന്റെ പ്രിയപ്പെട്ട രാജ്യങ്ങളിലൊന്നിലേക്ക് കുടുംബമായി ഞങ്ങളുടെ ആദ്യ യാത്രയാണിത്. എന്റെ കുട്ടികൾ എന്നെപ്പോലെ ഭാരതമാതാവിനെയും അവളുടെ ആളുകളെയും സ്നേഹിക്കുമെന്ന് എനിക്ക് ഉറപ്പുണ്ട് ‘ എന്നാണ് കെവിന്റെ കുറിപ്പ്. താരത്തിന്റെ യാത്രയും , കുറിപ്പും ഇതിനോടകം വൈറലായിക്കഴിഞ്ഞു.
