കൊച്ചി: സംസ്ഥാനത്ത് റെക്കോർഡുകൾ ഭേദിച്ച് സ്വർണവില. ഗ്രാമിന് 65 രൂപ വർദ്ധിച്ച് 7,360 രൂപയിലെത്തി. പവന് ഒറ്റയടിക്ക് 520 രൂപയുമാണ് വർദ്ധിച്ചത്. ഇതോടെ 58,880 രൂപയിലാണ് വ്യാപാരം നടക്കുന്നത്.
ഒരു ഗ്രാം 22 കാരറ്റ് സ്വർണത്തിന്റെ വില 7360 രൂപയാണ് ഒരു ഗ്രാം 18 കാരറ്റ് സ്വർണത്തിന്റെ വില 6060 രൂപയാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം വെള്ളിയുടെ വില 104 രൂപയിൽ തുടരുകയാണ്. ഇന്നലെ സ്വർണം ഗ്രാമിന് 7,295 രൂപയിലും പവന് 58360 രൂപയിലുമാണ് വ്യാപാരം നടന്നത്.
പശ്ചിമേഷ്യയിലെ സംഘർഷങ്ങൾ രൂക്ഷമാകുന്നതും അമേരിക്കൻ തെരഞ്ഞെടുപ്പുമാണ് നിലവിൽ സ്വർണത്തിന് വിലയേറാൻ കാരണം. സുരക്ഷിത നിക്ഷേപമെന്ന നിലയിാലണ് സ്വർണത്തിന്റെ ഡിമാൻഡ് വർദ്ധിക്കുന്നത്. രാജ്യാന്തര വില 2,725 ഡോളറിലാണ് സ്വർണം വ്യാപാരം നടക്കുന്നത്. വരുന്ന മൂന്ന് മാസം കൂടി സ്വർണവില കുതിപ്പ് തുടരുമെന്നാണ് വിലയിരുത്തൽ.
