ന്യൂഡൽഹി ; ഹിന്ദുക്കൾക്കായി വഖഫ് ബോർഡിന്റെ മാതൃകയിൽ സനാതന ബോർഡ് സ്ഥാപിക്കണമെന്ന് കഥാകൃത്ത് ദേവകീ നന്ദൻ താക്കൂർ. ജബൽപൂരിൽ പൊതുപരിപാടിയിൽ പങ്കെടുക്കാനെത്തിയതാണ് അദ്ദേഹം
വഖഫ് ബോർഡ് ഉണ്ടെങ്കിൽ സനാതൻ ബോർഡും ഉണ്ടാകണം . വഖഫ് ബോർഡിന്റെ കൈവശമുള്ള അത്രയും ഭൂമി സനാതന ബോർഡിനും നൽകേണ്ടതുണ്ട്.രാജ്യത്തെ പാർലമെന്റ് നിൽക്കുന്ന ഭൂമിയിലും വഖഫ് ബോർഡ് അവകാശവാദം ഉന്നയിക്കുന്ന സാഹചര്യമാണ് നിലനിൽക്കുന്നത്, എന്നാൽ ഇത് തുടർന്നാൽ വഖഫ് ബോർഡ് രാജ്യം മുഴുവൻ അവകാശവാദം ഉന്നയിക്കുന്ന ഒരു ദിവസം വരും. സനാതന ബോർഡ് വിഷയം മനസ്സിൽ വെച്ചുകൊണ്ടാകണം ഇനി രാഷ്ട്രീയ പാർട്ടികൾക്ക് മറുപടി നൽകേണ്ടതെന്നും അദ്ദേഹം പറഞ്ഞു.
തിരുപ്പതി ലഡ്ഡുവിൽ മായം ചേർന്നെന്ന വിവാദത്തിന് പിന്നാലെ സനാതന ധർമ രക്ഷാ ബോർഡ് രൂപീകരിക്കണമെന്ന് ആന്ധ്രാപ്രദേശ് ഉപമുഖ്യമന്ത്രി പവൻ കല്യാണും ആവശ്യപ്പെട്ടിരുന്നു .
