ന്യൂഡൽഹി : ദീപാവലി ദിനത്തിൽ ശ്രീരാമപൂജ നടത്തിയ ബിജെപി ദേശീയ വക്താവ് ഷഹ്സാദ് പൂനാവാലയ്ക്കെതിരെ ഇസ്ലാമിസ്റ്റുകൾ. അലങ്കരിച്ച ശ്രീരാമവിഗ്രഹത്തിന് മുന്നിൽ കൈകൂപ്പി നിൽക്കുന്ന ഷഹ്സാദിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിച്ചിരുന്നു . ഇതിനു പിന്നാലെയാണ് ഷഹ്സാദിനെ വിമർശിച്ച് ഇസ്ലാമിസ്റ്റുകൾ എത്തിയത് .
വിഗ്രഹാരാധന ഇസ്ലാമിൽ ഷിർക്കാണെന്ന് അറിയില്ലേയെന്നാണ് ചോദ്യം . മാത്രമല്ല നിങ്ങൾ ഇസ്ലാം മതം ഉപേക്ഷിച്ച് ഹിന്ദുമതം സ്വീകരിച്ചോളൂവെന്നും ചിലർ പറയുന്നു. ഷഹ്സാദ് ഇത്തരം തെറ്റുകൾ ചെയ്യരുതെന്നും , അള്ളാഹുവിൽ നിന്ന് അകന്ന് പോകരുതെന്നും പറയുന്നവരുമുണ്ട്.
ഷഹ്സാദ് നമസ്കരിക്കുന്നതും ഇസ്ലാം മതത്തെ കുറിച്ച് സംസാരിക്കുന്നതും ആരും കേട്ടിട്ടുണ്ടാവില്ല. മറ്റു മതങ്ങളെ പുകഴ്ത്തുന്ന തിരക്കിലാണ് അദ്ദേഹം , ഇതൊന്നും അള്ളാഹു ക്ഷമിക്കില്ല എന്നൊക്കെയാണ് ചിലരുടെ വാദം.
