ഹരിയാനയെ എറിഞ്ഞൊതുക്കി, രഞ്ജിയിൽ കേരളം കൂറ്റൻ ലീ‍‍ഡിലേക്ക്

രഞ്ജി ട്രോഫിയിൽ ഹരിയാനയ്‌ക്കെതിരെ കേരളത്തിന് ഒന്നാം ഇന്നിം​ഗ്സ് ലീഡ്. നിലവിൽ 252 റൺസിന്റെ ലീഡാണ് കേരളത്തിനുള്ളത്. ഏഴിന് 139 എന്ന നിലയിൽ ഇന്ന് ബാറ്റിം​ഗ് ആരംഭിച്ച ഹരിയാന 164 റണ്‍സിന് പുറത്തായി. 29 റണ്‍സുമായി ചെറുത്ത് നിന്ന നിഷാന്ത് സന്ധുവിനെ പുറത്താക്കി ബേസില്‍ തമ്പിയാണ് ഹരിയാനയുടെ പ്രതീക്ഷകൾ അവസാനിപ്പിച്ചത്. കേരളം ആദ്യ ഇന്നിം​ഗ്സിൽ 291 റൺസ് നേടിയിരുന്നു.

അന്‍ഷുല്‍ കാംബോജും ജെ.ജെ യാദവും ചേര്‍ന്നാണ് ഹരിയാനയെ 150 കടത്തിയത്. കാംബോജിനെ എന്‍.പി ബേസില്‍ ബേസില്‍ തമ്പിയുടെ കൈകളിലെത്തിച്ചു. പിന്നാലെ യാദവിനെ(12) എന്‍.പി ബേസില്‍ വിക്കറ്റിന് മുന്നില്‍ കുടുക്കിയതോടെ ഹരിയാനയുടെ ഇന്നിം​ഗ്സ് അവസാനിച്ചു.

എം ഡി നിധീഷും ബേസില്‍ തമ്പിയും മൂന്ന് വിക്കറ്റ് വീതം വീഴ്‌ത്തിയപ്പോള്‍ എന്‍ പി ബേസില്‍ രണ്ട് വിക്കറ്റെടുത്തു. മറുപടി ബാറ്റിം​ഗിൽ 62 റൺസുമായു രോഹൻ കുന്നുമ്മലും 16 റൺസുമായി മുഹമ്മദ് അസറുദ്ദീനുമാണ് ക്രീസിൽ.

42 റൺസെടുത്ത സച്ചിൻ ബേബിയുടെയും 2 റൺസെടുത്ത അക്ഷയ് ചന്ദ്രന്റെയും വിക്കറ്റുകളാണ് നഷ്ടമായത്. 31 ഓവറിൽ 125 ന് 2 എന്ന നിലയിലാണ്. അവസാന ദിനമായ ഇന്ന് ഒരു ഫലമുണ്ടായില്ലെങ്കിലും ഒന്നാം ഇന്നിം​ഗ്സിലെ ലീ‍ഡ് കേരളത്തിന് ​ഗുണം ചെയ്യും. വെളിച്ചക്കുറവും കാലാവസ്ഥ പ്രശ്നങ്ങളും കാരണം കുറെയധികം ഓവറുകളും സമയവും നഷ്ടമായിരുന്നു.