മൃഗങ്ങളോടുള്ള മനുഷ്യന്റെ ക്രൂരത അവസാനിപ്പിക്കാനുള്ള പ്രവർത്തനങ്ങളിൽ ഏർപ്പെട്ട സംഘടനയായ പെറ്റയ്ക്ക് വേണ്ടി യന്ത്ര ആനയെ നടയ്ക്കിരുത്തി നടി വേദിക. കണ്ണൂരിലെ എടയാർ വടക്കുമ്പാട് ശിവവിഷ്ണു ക്ഷേത്രത്തിലാണ് വടക്കുമ്പാട്ട് ശങ്കരനാരായണൻ എന്ന യന്ത്ര ആനയെ നടയ്ക്കിരുത്തിയത്. പീപ്പിൾ ഫോർ എതിക്കൽ ട്രീറ്റ് മെൻറ് ഫോർ അനിമൽസ് (പെറ്റ) എന്ന സംഘടനയുടെ അഭ്യർത്ഥന പ്രകാരമാണ് നടി വേദിക ഈ യന്ത്ര ആനയെ ക്ഷേത്രത്തിന് നൽകിയത്.
ശൃംഗാരവേലൻ എന്ന സിനിമയിൽ നായിക കഥാപാത്രത്തിലൂടെ സുപരിചിതയാണ് വേദിക. മൃഗങ്ങളോട് ക്രൂരത കാണിക്കുന്നത് ഒഴിവാക്കണമെന്ന സന്ദേശം പ്രചരിപ്പിക്കാനാണ് ഇത്തരത്തിൽ യന്ത്ര ആനയെ നടയ്ക്കിരുത്തിയതെന്നും പെറ്റ സംഘടനയുമായി ചേർന്ന് പ്രവർത്തിക്കുന്നതെന്നും താരം സമൂഹമാദ്ധ്യമ പോസ്റ്റിൽ കുറിച്ചു. ജീവനുള്ള ആനയെ സ്വന്തമായോ വാടകയ്ക്കോ എടുക്കരുതെന്ന സന്ദേശം പ്രചരിപ്പിക്കുന്ന പദ്ധതിയുടെ ഭാഗമായാണ് യന്ത്ര ആനയെ നടയിരുത്തിയതെന്ന് പെറ്റ ഭാരവാഹികൾ പറഞ്ഞു.
Thank you, @Vedhika4u, for helping real elephants remain safe and free in their jungle homes by supporting a cruelty-free way to honour temple traditions!#RobotVadakkumbadSankaranarayanan pic.twitter.com/1ADwJhSVTE
— PETA India (@PetaIndia) November 14, 2024
മൂന്ന് ക്ഷേത്രങ്ങളിലും പെറ്റ യന്ത്ര ആനകളെ നൽകിയിട്ടുണ്ട്. തൃശൂരിലെ ഇരിഞ്ഞാടപ്പള്ളി ശ്രീകൃഷ്ണക്ഷേത്രം, കൊച്ചി തൃക്കയിൽ മഹാദേവക്ഷേത്രം, തിരുവനന്തപുരം പൗർണ്ണമിക്കാവ് ക്ഷേത്രം എന്നിവയാണ് പെറ്റ എന്ന സംഘടനയിൽ നിന്നും യന്ത്ര ആനയെ ലഭിച്ച മറ്റ് മൂന്ന് ക്ഷേത്രങ്ങൾ.
