വിവാഹമോചന വാര്ത്ത ഔദ്യോഗികമായി സ്ഥിരീകരിച്ച് എ.ആര്. റഹ്മാന്. ഭാര്യ സൈറയുമായി വേര്പിരിയാന് പോകുകയാണെന്ന വാര്ത്തകള് പുറത്തുവന്നതിന് പിന്നാലെയാണ് എക്സിലൂടെ അദ്ദേഹം പ്രതികരിച്ചത്.
‘ഈ ബന്ധം മുപ്പതിലെത്തുമെന്ന് ഞങ്ങള് പ്രതീക്ഷിച്ചിരുന്നു. പക്ഷേ, എല്ലാകാര്യങ്ങള്ക്കും അദൃശ്യമായ ഒരു അവസാനമുണ്ട്. തകര്ന്ന ഹൃദയങ്ങളാല് ദൈവത്തിന്റെ സിംഹാസനം പോലും വിറച്ചേക്കാം. ഈ തകർച്ചയിൽ, ഞങ്ങൾ ഇതിന് അര്ഥം തേടുകയാണ്. ഈ സാഹചര്യത്തിലൂടെ കടന്നുപോകുമ്പോഴും ഞങ്ങളുടെ സ്വകാര്യത മാനിച്ചതിനും നിങ്ങള് കാണിച്ച ദയയ്ക്കും സുഹൃത്തുക്കളോട് നന്ദി രേഖപ്പെടുത്തുന്നു’, എന്നായിരുന്നു റഹ്മാന്റെ കുറിപ്പ്.
കഴിഞ്ഞദിവസമാണ് എ.ആര്. റഹ്മാനും ഭാര്യ സൈറയും വേര്പിരിയാന് പോവുകയാണെന്ന വാര്ത്തകള് പുറത്തുവന്നത്. സൈറയുടെ അഭിഭാഷകയായ വന്ദന ഷായാണ് ഇക്കാര്യം വ്യക്തമാക്കിയത്.29 വർഷം നീണ്ട ദാമ്പത്യ ജീവിതത്തിന് ഒടുവിലാണ് ഇരുവരും വേർപിരിയുന്നത്. ഏറെ വിഷമത്തോടെ എടുത്ത തീരുമാനമാണ് എന്നും ജീവിതത്തിലെ ഏറ്റവും ബുദ്ധിമുട്ടേറിയ അധ്യായത്തിലൂടെ ആണ് കടന്ന് പോകുന്നത് എന്നും ഈ അവസരത്തിൽ സ്വകാര്യത മാനിക്കണം എന്നും സൈറ അഭ്യർഥിച്ചിരുന്നു.
