വര്ഷങ്ങള് നീണ്ട പ്രണയത്തിനൊടുവിലാണ് നയൻ താരയും , യുവ സംവിധായകനായ വിഘ്നേഷ് ശിവനും വിവാഹിതരാകുന്നത്. കനത്ത സുരക്ഷാസന്നാഹങ്ങളോടെ മഹാബലിപുരത്താണ് വിവാഹം നടന്നത് .തിരുപ്പതി ക്ഷേത്രത്തിൽ വച്ച് വിവാഹം കഴിക്കാനായിരുന്നു ആദ്യ തീരുമാനം . എന്നാൽ അത് നടക്കാതെ വന്നതോടെ മഹാബലിപുരത്തേയ്ക്ക് വേദി മാറ്റുകയായിരുന്നു .
നിരവധി സെലിബ്രിറ്റി വിവാഹങ്ങൾക്ക് പിന്നിൽ പ്രവർത്തിച്ച ടീമായ ഷാദി സ്ക്വാഡാണ് നയൻതാരയുടെ വിവാഹത്തിന്റെ കാര്യങ്ങളും ആസൂത്രണം ചെയ്തത്. വിവാഹ ഡോക്യൂമെന്ററിയിലാണ് ഷാദി സ്ക്വാഡിലെ ടീനയും സൗരഭും ഇതുമായി ബന്ധപ്പെട്ട കാര്യങ്ങൾ പങ്കുവെച്ചത് . “തിരുപ്പതിയിൽ നടക്കില്ലെന്ന് അറിഞ്ഞ ദിവസം ഞങ്ങൾ ഉടൻ തന്നെ ചെന്നൈയിലേക്ക് പറന്നു. വേദി മാറ്റിയിട്ടും തീയതി മാറ്റാൻ അവർ തയ്യാറായിരുന്നില്ല . ഏകദേശം 7,000 ആളുകൾ ഒറ്റരാത്രികൊണ്ട് ജോലി ചെയ്തു . വിവാഹദിനത്തിൽ 200 ഓളം സുരക്ഷാ ഉദ്യോഗസ്ഥരെ `മാത്രം നിയമിച്ചു. വേദിയിൽ ആരുടെയും ഫോൺ അനുവദിച്ചില്ല.“ ടീന പറയുന്നു.
പത്ത് ദിവസത്തിനുള്ളിൽ ഇത് സാദ്ധ്യമാകുമെന്ന് താൻ കരുതിയില്ലെന്നാണ് നയൻ താര പറയുന്നത് . ‘ ക്രിസ്തുമതത്തിൽ നിന്ന് ഹിന്ദുമതത്തിലേക്ക് മാറിയതിനാൽ ഒരു സാധാരണ ഹിന്ദു കല്യാണം വേണമെന്നും ആഗ്രഹിച്ചു , ഞാൻ ജനിച്ചത് ഒരു ക്രിസ്ത്യാനി ആയതിനാൽ, എന്റെ അമ്മ എന്നെ ആ ക്രിസ്ത്യൻ വസ്ത്രത്തിൽ കാണാൻ ആഗ്രഹിച്ചു . വിവാഹ ഗൗൺ അണിഞ്ഞ് . പക്ഷേ, ഞാൻ ഒരു ഹിന്ദു ആയി മാറിയതിനാൽ ഹിന്ദു വിവാഹം നടത്തണമെന്നുണ്ടായിരുന്നു . അതുകൊണ്ട് തന്നെ ഹിന്ദു- ക്രിസ്ത്യൻ വിവാഹത്തിന്റെ മനോഹരമായ മിശ്രണമാണ് ഞാൻ ആഗ്രഹിച്ചത് . അതിനാൽ ഞങ്ങൾ അത് ഒരു ഇംഗ്ലീഷ് ടച്ച് ഉള്ള ഹിന്ദു കല്യാണം ആക്കി.‘- നയൻ താര പറഞ്ഞു.
