എറണാകുളം : അന്തരിച്ച മുതിർന്ന ആർഎസ്എസ് പ്രചാരകൻ ആർ ഹരിയെക്കുറിച്ചുള്ള ദീപ്ത സ്മരണകളുടെ സമാഹാരമായ “ഋഷിതുല്യനായ ഹരിയേട്ടൻ” ഇന്ന് പ്രകാശനം ചെയ്യപ്പെടുന്നു. ഗോവ ഗവർണർ അഡ്വ. പി എസ് ശ്രീധരൻപിള്ള പ്രൊഫസർ എം കെ സാനു മാസ്റ്റർക്ക് നൽകിയാണ് പുസ്തകം പ്രകാശനം ചെയ്യുന്നത്.
ഇന്ന് വൈകുന്നേരം അഞ്ചുമണിക്ക് എറണാകുളം ഭാരത് ടൂറിസ്റ്റ് ഹോമിലാണ് ചടങ്ങ്. പ്രൊഫസർ ആർ ശശിധരൻ അദ്ധ്യക്ഷത വഹിക്കുന്ന ചടങ്ങിൽ ഭാരതീയ വിചാര കേന്ദ്രം ഡയറക്ടർ ആർ സഞ്ജയൻ മുഖ്യ പ്രഭാഷണം നടത്തും. ആർ എസ് എസ് പ്രാന്ത പ്രചാർ പ്രമുഖ് എം ഗണേഷ് ആശംസയർപ്പിക്കും, പി ആർ ശിവശങ്കർ നന്ദി പ്രകാശിപ്പിക്കും.
ശ്രീ ലക്ഷ്മി ഭായ് ധർമ്മ പ്രകാശൻ ആണ് പുസ്തകം പ്രസാധനം ചെയ്യുന്നത്.
