മാളികപ്പുറം എന്ന ചിത്രത്തിലൂടെ മലയാളികളുടെ മനസിൽ ഇടം നേടിയ ബാലതാരമാണ് ദേവനന്ദ. ഉണ്ണി മുകുന്ദൻ നായകനായ സിനിമയിൽ കല്യാണി എന്ന സ്കൂൾ വിദ്യാർത്ഥിനിയായാണ് ദേവനന്ദ അഭിനയിച്ചത്. കഴിഞ്ഞ ദിവസം സ്വകാര്യപരിപാടിയിൽ പങ്കെടുക്കാനെത്തിയ ദേവനന്ദയുടെ കാൽ തൊട്ട് വണങ്ങുന്ന ചിത്രം പുറത്ത് വന്നിരുന്നു. അതിനു പിന്നാലെ ദേവനന്ദയെയും , ഉണ്ണി മുകുന്ദനെയും വിമർശിച്ച് രംഗത്ത് വന്നിരിക്കുകയാണ് യുട്യൂബർ സായ് കൃഷ്ണ .
ദേവനന്ദ പോകുന്നിടത്തെല്ലാം ഈ കുട്ടി മാളികപ്പുറത്തിൽ അഭിനയിച്ചതിനുശേഷം വന്നിട്ടുള്ള ദൈവീകത വലിയ രീതിയിൽ ക്രീയേറ്റാകുന്നുണ്ട്. ഒരു സിനിമ കാരണം ദൈവം എഫക്ടിലേക്ക് കുട്ടി മാറിയാലും വലിയൊരു ആള് മാറിയാലും അത് കാണുമ്പോൾ ചിരി വരും. കുട്ടിയെ ഇപ്പോഴും ഭക്തിയുടെ രീതിയിലാണ് കാണുന്നത്. ഇത് ഈ കുട്ടിയുടെ ഭാവിയിൽ വരാനിരിക്കുന്ന സിനിമകളെയും ഭയങ്കരമായി ബാധിക്കും
മാളികപ്പുറം സിനിമയുടെ വൈബും അതിന്റെ പ്രമോഷൻ മെത്തേഡും എല്ലാ കാരണമാണ് ഇങ്ങനൊരു അവസ്ഥയിലേക്ക് കാര്യങ്ങൾ മാറിയത് . ഭക്തി മൂത്ത് ഭ്രാന്താകുന്നത് ഓരോരുത്തരുടെ ഇഷ്ടം. കുട്ടിക്കും മാതാപിതാക്കൾക്കും എതിരെ ഇപ്പോൾ സൈബർ അറ്റാക്കുണ്ട്. സൂപ്പർ ഹീറോ അയ്യപ്പൻ ഉണ്ണി മുകുന്ദൻ ഇപ്പോൾ എന്താണ് ചാടി വരാത്തത്.
അമ്പലക്കാർ എന്തിനാണ് ഈ കുട്ടി വരുമ്പോൾ പുഷ്പവൃഷ്ടി നടത്തുന്നത്. അത് അവരുടെ പ്രശ്നമാണ്. നാട്ടുകാരുടെ പ്രശ്നമാണ്. ഉസ്താദുമാർക്ക് വെള്ളം വരെ ഊതാൻ കൊടുക്കുന്നവരുണ്ട്.ഇന്ത്യയിൽ ഏറ്റവും കൂടുതൽ ബിസിനസ് ചെയ്യപ്പെടുന്ന ദൈവം അയ്യപ്പനാണ്. ഭക്തിയുടെ ഓവർഡോസാണ് മാളികപ്പുറം സിനിമ.ഇന്ന് ഈ കുട്ടിയുടെ കാലിൽ വീഴുന്നവർ ഉണ്ണി മുകുന്ദനെ കണ്ടാൽ പേട്ട തുള്ളും – എന്നൊക്കെയാണ് സായ് കൃഷ്ണയുടെ വാക്കുകൾ.
