ഭക്ഷണം കഴിക്കാനെത്തി ; ഹോട്ടലിലെ അടുക്കളയിൽ കയറി ദോശത്തവയിൽ താളമിട്ട് ശിവമണി

ദോശ തവയിലും സംഗീതം കണ്ടെത്തി ഡ്രംസ് വാദകൻ ശിവമണി. ചൊവ്വാഴ്ച പ്രഭാതഭക്ഷണത്തിനായി ബെംഗളൂരുവിലെ പ്രശസ്ത റെസ്റ്റോറന്റായ വിദ്യാർത്ഥി ഭവനിലെത്തിയതാണ് ശിവമണി. ദോശ ഉണ്ടാക്കുന്ന ശബ്ദങ്ങൾ കേട്ടതോടെ അടുക്കളയിലും സംഗീതപരീക്ഷണം നടത്തുകയായിരുന്നു ശിവമണി.

ദോശതവയിൽ മാവ് കോരിയൊഴിക്കുന്ന പാത്രം വച്ചായിരുന്നു കലാവിരുന്ന് . ശിവമണിയുടെ താളത്തിന്റെയും റസ്റ്റോറൻ്റിലെ ഐക്കണിക് വിഭവങ്ങളുടെയും സമന്വയം കാഴ്ചക്കാരെയും ആഹ്ലാദത്തിലാക്കി.

റെസ്റ്റോറന്റ് ഉടമകൾ തന്നെയാണ് ഇതിന്റെ ദൃശ്യങ്ങൾ സോഷ്യൽ മീഡിയയിൽ പങ്ക് വച്ചത്. ‘ “ഇതിഹാസ ഡ്രമ്മർ ശിവം ഞങ്ങളുടെ അടുക്കളയെ ഒരു വേദിയാക്കി. അസാമാന്യമായ കലകൊണ്ട് അദ്ദേഹം ഞങ്ങളെ മയക്കി,”അദ്ദേഹം അടിക്കുറിപ്പിൽ കുറിച്ചു.’ എന്ന കുറിപ്പും ദൃശ്യങ്ങൾക്കൊപ്പമുണ്ട്.എട്ട് പതിറ്റാണ്ടുകളായി മികച്ച ഭക്ഷണം നൽകുന്ന വിദ്യാർത്ഥി ഭവനിൽ പലപ്പോഴും ശിവമണി എത്താറുണ്ട്.

A rhythmic twist at #VidyarthiBhavan
The #LegendaryDrummer @drumssivamani visited us for #breakfast today & turned our humble kitchen into a stage. He mesmerised everyone with his #IncredibleTalent & #beats.
A #moment to cherish and #celebrate the fusion of art & tradition! pic.twitter.com/BgS38xvusD

— Vidyarthi Bhavan (@VidyarthiBhavan) December 3, 2024