പത്തനംതിട്ട: പതിവ് തെറ്റിക്കാതെ ശബരിമലയിൽ ദർശനം നടത്തി നടൻ ദിലീപ്. ഇന്ന് രാത്രി 11ഓടെയാണ് താരം അയ്യനെ കണ്ടുതൊഴാൻ സന്നിധാനത്ത് എത്തിയത്. രണ്ടു മൂന്ന് മിനിട്ടോളം നേരെ താരം നടയിൽ തുടർന്നു. ഹരിവരാസനം പാടി നട അടയ്ക്കാറാകുമ്പോഴാണ് താരം അയ്യന് മുന്നിലെത്തിയത്. ദിലീപ് വളരെ ഭക്തിയോടെ വൈകാരികമായി പ്രാർത്ഥിക്കുന്നതും കാണിക്കയിടുന്നതും കണ്ടു. ഇതിന്റെ വീഡിയോകൾ പുറത്തുവന്നു. പോയ വർഷങ്ങളിലും താരം മലചവിട്ടിയിരുന്നു. അന്ന് സുഹൃത്തുക്കളും ഒപ്പമുണ്ടായിരുന്നു. ഇപ്പോൾ ആരൊക്കെയാണ് നടനൊപ്പം വന്നതെന്ന് വ്യക്തമല്ല.
