തെന്നിന്ത്യൻ യുവതാരങ്ങളിലെ മുൻനിരക്കാരാണ് വിജയ് ദേവരക്കൊണ്ടയും രശ്മിക മന്ദാനയും . ഇരുവരും പ്രണയത്തിലാണെന്ന അഭ്യൂഹങ്ങള് പ്രചരിക്കാന് തുടങ്ങിയിട്ട് ഏറെക്കാലമായി. എന്നാല് ഇരുവരും ഇക്കാര്യം ഇതുവരെ പരസ്യമായി തുറന്നുപറഞ്ഞിട്ടില്ല. അടുത്തിടെ നല്കിയ ഒരു അഭിമുഖത്തില് താന് സിംഗിളല്ലെന്ന് വിജയ് ദേവരകൊണ്ട വെളിപ്പെടുത്തിയിരുന്നു. എന്നാല് ആരാണ് തന്റെ ഗേള്ഫ്രണ്ട് എന്ന് വിജയ് ദേവരകൊണ്ട പറഞ്ഞിട്ടില്ല. ഇതിനു പിന്നാലെ രശ്മികയ്ക്കൊപ്പമുള്ള വിജയുടെ ചിത്രം സമൂഹമാദ്ധ്യങ്ങളില് വൈറലാവുകയും ചെയ്തു .
ഇപ്പോഴിതാ രശ്മിക മന്ദന കഴിഞ്ഞ ദിവസം റിലീസ് ചെയ്ത തന്റെ പുതിയ ചിത്രമായ പുഷ്പ 2: ദ റൂൾ, കാണാനെത്തിയതിന്റെ ദൃശ്യങ്ങളാണ് പുറത്ത് വന്നിരിക്കുന്നത് . വിജയ് ദേവരക്കൊണ്ടയുടെ കുടുംബത്തോടൊപ്പം ഹൈദരാബാദിൽ വച്ചാണ് രശ്മിക ചിത്രം കണ്ടത് . വിജയുടെ അമ്മ ദേവരകൊണ്ട മാധവിയും സഹോദരൻ ആനന്ദ് ദേവരകൊണ്ടയും ഒപ്പമുള്ള രശ്മികയുടെ ഫോട്ടോയും സോഷ്യൽ പ്രചരിക്കുന്നുണ്ട്. വിജയ് ദേവരകൊണ്ടയുടെ വസ്ത്ര ബ്രാൻഡായ RWDY-യുടെ ഷർട്ട് ധരിച്ചാണ് രശ്മിക എത്തിയതെന്നും ആരാധകർ പറയുന്നു.
