ഭാര്യ രാധികയ്ക്കൊപ്പമാണ് കാളിദാസ് ജയറാമിന്റെ വിവാഹത്തിൽ പങ്കെടുക്കാനായി കഴിഞ്ഞ ദിവസം കേന്ദ്രമന്ത്രി സുരേഷ് ഗോപി ഗുരുവായൂരിലെത്തിയത് . എന്നാൽ അദ്ദേഹത്തിന്റെ കാൽ തൊട്ട് വന്ദിച്ചത് കാളിദാസ് മാത്രമായിരുന്നില്ല. ഗുരുവായൂർ ക്ഷേത്രനടയിൽ വിവാഹത്തിനെത്തിയ മറ്റ് വധൂവരന്മാരും സുരേഷ് ഗോപിയുടെ കാൽ തൊട്ട് വന്ദിക്കാനെത്തി. എല്ലാവരെയും അനുഗ്രഹിച്ച് ചേർത്തു നിർത്തി ഫോട്ടോയും എടുപ്പിച്ചാണ് സുരേഷ് ഗോപി കാളിദാസിന്റെ വിവാഹത്തിൽ പങ്കെടുക്കാൻ പോയത്.
തനിക്കും , പാർവ്വതിയ്ക്കും സഹോദരതുല്യനാണ് സുരേഷ് ഗോപി എന്നും ജയറാം പറഞ്ഞിരുന്നു. കാളിദാസിന്റെ സഹോദരി മാളവികയുടെ വിവാഹം ഗുരുവായൂരിൽ കഴിഞ്ഞ മേയിലാണ് നടന്നത്. അതിൽ പങ്കെടുക്കാനും സുരേഷ് ഗോപി എത്തിയിരുന്നു.2023 നവംബറിൽ ചെന്നൈയിലായിരുന്നു കാളിദാസിന്റെയും തരിണിയുടെയും വിവാഹനിശ്ചയം.
നീലഗിരി സ്വദേശിയായ തരിണി 2019ൽ മിസ് തമിഴ്നാട്, മിസ് സൗത്ത് ഇന്ത്യ ഫസ്റ്റ് റണ്ണർ അപ്പ് കിരീടം ചൂടിയിരുന്നു. 2021ലെ മിസ് യൂണിവേഴ്സ് ഇന്ത്യ തേഡ് റണ്ണർ അപ്പ് ആയി. 2022ലെ മിസ് ദിവാ യൂണിവേഴ്സ് സൗന്ദര്യമത്സരത്തിലും പങ്കെടുത്തു.
