എറണാകുളം : ഹോളിവുഡ് നടനും തിരക്കഥാകൃത്തും സംവിധായകനുമായിരുന്ന തോമസ് ബെർളി (93) അന്തരിച്ചു. കൊച്ചിയിലെ പ്രമുഖ വ്യവസായിയായ ഇദ്ദേഹം ദീർഘകാലമായി മത്സ്യസംസ്കരണ -കയറ്റുമതി രംഗത്താണ് ശ്രദ്ധ കേന്ദ്രീകരിച്ചിരുന്നത്. ഫോർട്ട്കൊച്ചിയിലെ കുരിശിങ്കൽ കുടുംബാംഗമാണ്.മുന് കൗണ്സിലര്മാരായിരുന്ന കെ.ജെ. ബെര്ളിയുടെയും ആനി ബെര്ളിയുടെയും മകനാണ്.
1954-ല് അമേരിക്കയിലെ കാലിഫോര്ണിയ യൂണിവേഴ്സിറ്റിയില്നിന്ന് സിനിമാപഠനം പൂര്ത്തിയാക്കിയ അദ്ദേഹം അക്കാലത്ത് ഹോളിവുഡ് ചിത്രങ്ങളില് അഭിനയിച്ചു. ഇംഗ്ലീഷ് ചിത്രങ്ങള്ക്ക് തിരക്കഥയുമെഴുതി. 1953-ല് മലയാളത്തില് വിമല്കുമാര് സംവിധാനം ചെയ്ത ‘തിരമാല’ എന്ന ചിത്രത്തില് നായകനായി.മലയളത്തിൽ പിൽക്കാലത്ത് സൂപ്പർ താരമായ സത്യൻ ആയിരുന്നു തിരമാലയിലെ പ്രതി നായക വേഷം ചെയ്തത്.
പിന്നീട്, കെ പി ഉമ്മറിനെ നായകനാക്കി ‘ഇത് മനുഷ്യനോ’, പ്രേംനസീറിനെ പ്രധാന കഥാപാത്രമാക്കി ‘വെള്ളരിക്കാപട്ടണം’ എന്നീ സിനിമകൾ സംവിധാനം ചെയ്തു. ‘വെള്ളരിക്കാപട്ടണ’ത്തിന്റെ സംഗീതസംവിധാനവും നിർവഹിച്ചു. സിനിമാജീവിതം വിഷയമാക്കി എഴുതിയ ‘ഹോളിവുഡ് ഒരു മരീചിക’ ഉൾപ്പെടെ നാലു പുസ്തകങ്ങൾ ഇദ്ദേഹം രചിച്ചു.
ഭാര്യ: സോഫി തോമസ്. മക്കള്: ടാനിയ എബ്രഹാം, തരുണ് കുരിശിങ്കല്, ടാമിയ ജോര്ജ്. മരുമക്കള്: എബ്രഹാം തോമസ്, ജോര്ജ് ജേക്കബ്. സംസ്കാരം പിന്നീട്.
