മേടം രാശി (Aries) (ജന്മദിനം മാർച്ച് 22 മുതൽ ഏപ്രിൽ 20 വരെയുള്ളവർ):
അഗ്നിഭൂതം, അധിപഗ്രഹം ചൊവ്വ
പൊതുവേ സമയം മോശമാണ് വാക്കു തർക്കങ്ങൾ ചൂതാട്ടം ഊഹക്കച്ചവടം ഇവ ഒഴിവാക്കണം. വർഷത്തിന്റെ ആദ്യപകുതിയെക്കാൾ ഗുണകരമായിരിക്കും അവസാന പകുതി. പുതിയ സംരംഭങ്ങൾ തുടങ്ങരുത്. തീരുമാനങ്ങളിൽ ശ്രദ്ധ പുലർത്തണം. അധിക ചെലവുകളെ ശ്രദ്ധിക്കണം.
ദോഷ പരിഹാരമായി വ്യാഴപ്രീതിയും ശനി പ്രീതിയും വരുത്തുക. ശിവങ്കൽ കൂവളത്തില നീല എരുക്കിന്റെ പൂവ് എന്നിവ സമർപ്പിച്ച് പ്രാർത്ഥിക്കുക. വിഷ്ണു ക്ഷേത്രത്തിൽ സഹസ്രനാമാർച്ചന നടത്തുക.
ഇടവം രാശി (Taurus) (ജന്മദിനം ഏപ്രിൽ 21 മുതൽ മെയ് 21 വരെയുള്ളവർ):
ഭൂമി ഭൂതം, അധിപഗ്രഹം ശുക്രൻ
വളരെയധികം ഭാഗ്യ അനുഭവങ്ങൾ പ്രതീക്ഷിക്കാം പുതിയ സംരംഭങ്ങൾ തുടങ്ങാൻ പറ്റിയ സമയം. വ്യക്തിജീവിതത്തിൽ കൂടുതൽ ഗുണഫലങ്ങൾ പ്രതീക്ഷിക്കാം. ശ്രദ്ധയോടും ക്ഷമയോടും കൂടി മുന്നോട്ടു നീങ്ങിയാൽ 2025 വിജയത്തിന്റെയും സാമ്പത്തിക ഉയർച്ചയുടെയും കാലമായി മാറും. മഹാലക്ഷ്മി പ്രീതിക്കായി ദേവി മാഹാത്മ്യം പതിനൊന്നാം അധ്യായം ദിവസവും ജപിക്കുക.
ദോഷപരിഹാരത്തിനും ഗുണ വർദ്ധനവിനുമായി ശ്രീസൂക്തപുഷ്പാഞ്ജലി, ശിവങ്കൽ പിൻവിളക്ക്, ധാര, നവഗ്രഹങ്ങളിൽ രാഹുകേതുക്കൾക്ക് പ്രത്യേക പുഷ്പാഞ്ജലി, എന്നിവ നടത്താം.
മിഥുനം രാശി (Gemini) (ജന്മദിനം മേയ് 22 മുതൽ ജൂൺ 21 വരെയുള്ളവർ):
വായുഭൂതം , അധിപഗ്രഹം ബുധൻ
ഈ രാശിക്കാർക്ക് ഈ വർഷം വളരെയധികം ഗുണകരമായ മാറ്റങ്ങളുടെ കാലഘട്ടമാണ്. ഔദ്യോഗിക മണ്ഡലത്തിൽ മേലധികാരിയുടെ പ്രീതിയും സ്ഥാനക്കയറ്റവും പ്രതീക്ഷിക്കാം. അവിവാഹിതർക്ക് ജീവിതപങ്കാളിയെ ലഭിക്കും. ആഹാരകാര്യത്തിൽ വളരെയധികം ശ്രദ്ധിക്കണം. വിഷഭോജ്യം ഉണ്ടാകാതെ നോക്കണം.
ഭദ്രകാളി പ്രീതി വരുത്തണം. സർപ്പക്കാവിൽ നൂറുംപാലും, ശ്രീകൃഷ്ണന് മുകുന്ദാഷ്ടകം കൊണ്ട് അർച്ചന. വെള്ളിയാഴ്ച ഗണപതിഹോമം എന്നിവയാണ് പ്രശ്നപരിഹാരത്തിനുള്ള വഴിപാടുകൾ.
കർക്കിടകം രാശി (Cancer) (ജന്മദിനം ജൂൺ 22 മുതൽ ജൂലൈ 23 വരെയുള്ളവർ):
ജലഭൂതം , അധിപഗ്രഹം ചന്ദ്രൻ
വളരെയധികം ശ്രദ്ധ പുലർത്തേണ്ട ഒരു വർഷമാണ്. കർമ്മമണ്ഡലത്തിൽ മാറ്റങ്ങൾക്കു മുതിരരുത്. ധനനഷ്ടം രോഗപീഡകൾ എന്നിവ ഉണ്ടാകാതെ ശ്രദ്ധിക്കണം. പുതിയ നിർമ്മാണ പ്രവർത്തികൾ തുടങ്ങാതിരിക്കുന്നതാണ് ഉത്തമം. പരിഹാരമായി നവഗ്രഹ പുഷ്പാഞ്ജലി, ഹനുമാൻ സ്വാമിക്ക് അഷ്ടോത്തരാർച്ചന, ഹനുമാൻ ചാലിസാ നിത്യജപം എന്നിവ നടത്തണം.
ആൽമരത്തിന് മുന്നിൽ നെയ് വിളക്ക് കൊളുത്തി “ഓം നമോ ഭഗവതേ വാസുദേവായ” എന്ന് ജപിച്ച് പ്രാത്ഥിച്ചു കൊണ്ട് 11 വലത്ത് വെക്കണം.
ശ്രീജിതേന്ദ്രാനന്ദ
ഫോൺ : 8089894120
ശ്രീപുരം ആസ്ട്രോ സൊല്യൂഷൻസ് ആൻഡ് എനർജി ഹീലിംഗ് റിസേർച് സെന്റർ
ചങ്ങനാശ്ശേരി
