കൊൽക്കത്ത: ബംഗ്ലാദേശിലെ നതോറിൽ പൂജാരിയെ കൊലപ്പെടുത്തിയ ശേഷം ക്ഷേത്രം കൊള്ളയടിച്ച സംഭവത്തിൽ പ്രതിഷേധവുമായി ഇസ്കോൺ. സംഘടനയുടെ കൊൽക്കത്ത വക്താവ് രാധാരമൺ ദാസ് എക്സിൽ പോസ്റ്റ് ചെയ്ത വീഡിയോയിൽ “ഈ കൊലപാതകങ്ങൾ എപ്പോൾ അവസാനിക്കും!” എന്ന് ചോദിക്കുന്നു.ബംഗ്ലാദേശിലെ നതോറിലെ കാശിംപൂർ സെൻട്രൽ ശ്മശാന ക്ഷേത്രത്തിലാണ് പുരോഹിതന്റെ മൃതദേഹം കണ്ടെത്തിയത്.
ഇതും വായിക്കുക
ഹിന്ദു പുരോഹിതന്റെ “കൊലപാതകത്തെ” അപലപിച്ച ഇസ്കോൺ ഷെയ്ഖ് ഹസീനയുടെ ഭരണത്തിന്റെ പതനത്തെത്തുടർന്ന് “അടങ്ങാത്ത പീഡനങ്ങളും കൊലപാതകങ്ങളും” നേരിടുന്ന മതന്യൂനപക്ഷങ്ങളെ സംരക്ഷിക്കുന്നതിൽ രാജ്യത്തെ ഇടക്കാല സർക്കാർ പരാജയപ്പെട്ടുവെന്ന് ആരോപിച്ചു.
“ബംഗ്ലാദേശിലെ നതോറിലെ കാശിംപൂർ സെൻട്രൽ ശ്മശാനയിൽ സ്ഥിതി ചെയ്യുന്ന ക്ഷേത്രത്തിന് നേരെയുണ്ടായ ആക്രമണത്തെക്കുറിച്ച് കേട്ടപ്പോൾ ഞെട്ടിപ്പോയി. വിലപിടിപ്പുള്ള വസ്തുക്കൾ കൊള്ളയടിക്കപ്പെട്ടു, ക്ഷേത്രത്തിലെ പൂജാരിയായ തരുൺ ചന്ദ്ര ദാസ് ക്രൂരമായി കൊല ചെയ്യപ്പെട്ടു”, പുരോഹിതൻ കൊല്ലപ്പെടുന്നതിന് മുമ്പ് കൈകളും കാലുകളും ബന്ധിച്ചതിനാൽ പീഡിപ്പിക്കപ്പെട്ടിരിക്കാം. അക്രമികൾ ക്ഷേത്രവും കൊള്ളയടിച്ചു, സംഭവത്തെ കവർച്ച കേസായി ബംഗ്ലാദേശ് പോലീസ് വിശേഷിപ്പിച്ചു, “കവർച്ചയും അക്രമവും ഹിന്ദുക്കളെ മാത്രം ലക്ഷ്യം വയ്ക്കുന്നത് എങ്ങനെയാണ്?ഈ കൊലപാതകങ്ങൾ എപ്പോൾ അവസാനിക്കും!””ദാസ് ചോദിച്ചു, “ഹിന്ദു ശ്മശാനങ്ങൾ പോലും സുരക്ഷിതമല്ല”. അദ്ദേഹം പറഞ്ഞു.
നതോർ സദർ ഉപജില്ലയിലെ ബരാഹരീഷ്പൂരിലെ കാശിംപൂർ മഹാശ്മശാന ക്ഷേത്രത്തിലെ പൂജാരിയായ തരുൺ ചന്ദ്ര ദാസ് ആണ് കൊല്ലപ്പെട്ടത്. ക്ഷേത്രം കൊള്ളയടിച്ചു. ഇതിനോടൊപ്പമുള്ള സെൻട്രൽ ശ്മശാനത്തിലും കവർച്ച നടന്നു. ഡിസംബർ 20-ന് വെള്ളിയാഴ്ച രാത്രിയാണ് സംഭവം നടന്നതെന്നാണ് പോലീസ് കരുതുന്നത്. ശനിയാഴ്ച രാവിലെയാണ് കൈകാലുകൾ ബന്ധിച്ച നിലയിൽ മരിച്ച നിലയിൽ കണ്ടെത്തിയത്.
