‘റോമിയോ ആൻഡ് ജൂലിയറ്റ്’ എന്ന ചിത്രത്തിലൂടെ പ്രേക്ഷകശ്രദ്ധ നേടിയ പ്രശസ്ത ബ്രിട്ടീഷ് നടി ഒലിവിയ ഹസി ഐസ്ലി(73) അന്തരിച്ചു. വാർദ്ധക്യസഹജമായ അസുഖത്തെ തുടർന്ന് ചികിത്സയിലിരിക്കെയായിരുന്നു അന്ത്യം. താരത്തിന്റെ കുടുംബാംഗങ്ങളാണ് മരണവിവരം അറിയിച്ചത്.
ഒലിവിയയുടെ പഴയകാല ചിത്രം പങ്കുവച്ചുകൊണ്ട് താരത്തിന്റെ ഇൻസ്റ്റഗ്രാം അക്കൗണ്ടിലൂടെയാണ് കുടുംബം വിയോഗവാർത്ത അറിയിച്ചത്. റോമിയോ ആൻഡ് ജൂലിയറ്റ്, ബ്ലാക്ക് ക്രിസ്മസ് എന്നീ ചിത്രങ്ങളിലെ അഭിനയത്തിലൂടെ ലോകമെമ്പാടും ആരാധകരെ സ്വന്തമാക്കിയ താരമാണ് ഒലിവിയ.
1951 ഏപ്രിൽ 17-ന് അർജന്റീനയിലെ ബ്യൂണസ് അയേഴ്സിലാണ് ഒലിവിയ ജനിച്ചത്. അഭിനയത്തോടുള്ള അടങ്ങാത്ത ആഗ്രഹമായിരുന്നു താരത്തെ റോമിയോ ആൻഡ് ജൂലിയറ്റ് എന്ന ചിത്രത്തിലേക്ക് എത്തിച്ചത്. 15-ാമത്തെ വയസിലാണ് ഒലിവിയ റോമിയോ ആൻഡ് ജൂലിയറ്റിൽ അഭിനയിച്ചത്. ചിത്രം പ്രശസ്തി നേടുന്നതോടൊപ്പം വിവാദങ്ങളിൽ ഇടംപിടിക്കുകയും ചെയ്തിരുന്നു.
മികച്ച സിനിമ, മികച്ച സംവിധാനം എന്നിവ ഉൾപ്പെടെ നാല് അക്കാദമി അവാർഡുകൾ ചിത്രം നേടിയിരുന്നു. കൂടാതെ ചിത്രത്തിലെ അഭിനയത്തിന് ഗോൾ‌ഡൻ ഗ്ലോബ് പുരസ്കാരവും ഒലിവിയ സ്വന്തമാക്കിയിരുന്നു.
പിന്നീട് 1974-ൽ പുറത്തിറങ്ങിയ ബ്ലാക്ക് ക്രിസ്മസിലൂടെ ഹോളിവുഡ് സിനിമാ ലോകത്ത് മുൻനിര നായികമാരിൽ ഒരാളായി ഒലിവിയ മാറിയിരുന്നു.
