വടകരയ്‌ക്ക് ഇനി കേ​ര​ളീ​യ മുഖം; അമൃത് ഭാരത് പദ്ധതിയിൽ റെയിൽവേ സ്റ്റേഷൻ വികസനം അവസാന ഘട്ടത്തിൽ

വ​ട​ക​ര: റെയിൽവേ സ്റ്റേഷനുകളുടെ വികസനം ലക്ഷ്യമിട്ട് നരേന്ദ്രമോദി സർക്കാർ നടപ്പാക്കിയ അമൃത് ഭാരത് പദ്ധതി സംസ്ഥാനത്ത് ദ്രുത​ഗതിയിൽ പുരോ​ഗമിക്കുകയാണ്. പ​ദ്ധ​തി​യി​ൽ ഉ​ൾ​പ്പെ​ടു​ത്തി വി​ക​സി​പ്പി​ക്കു​ന്ന വ​ട​ക​ര റെ​യി​ൽ​വേ സ്റ്റേ​ഷ​ൻ വി​ക​സ​നം അ​വ​സാ​ന ഘ​ട്ട​ത്തി​ലാണ്. പ്ര​ധാ​ന കെ​ട്ടി​ട​ത്തിന്റെ മുൻഭാ​ഗം കേ​ര​ളീ​യ ശൈ​ലി​യി​ലാ​ണ് നിർമിച്ചിരിക്കുന്നത്. സ്റ്റേ​ഷ​നി​ലേ​ക്കു​ള്ള റോ​ഡു​ക​ളു​ടെ നവീകരണമാണ് ഇനി ബാ​ക്കി​യു​ള്ള​ത്. ഫെ​ബ്രു​വ​രി പ​കു​തി​യോ​ടെ നി​ർ​മാ​ണം പൂ​ർ​ത്തി​യാക്കാനാണ് ലക്ഷ്യം.

പതിനായിരം ചതുരശ്ര ​മീ​റ്റ​റി​ൽ പാ​ർ​ക്കി​ങ് ഏ​രി​യ, 250 പേ​ർ​ക്ക് ഇ​രി​ക്കാ​നു​ള്ള ഇ​രി​പ്പി​ടം, റി​സ​ർ​വേ​ഷ​ൻ കൗണ്ടർ, എ​ൽ.​ഇ.​ഡി. ഡി​സ്‍പ്ലേ ബോ​ർ​ഡു​ക​ൾ, പാ​സ​ഞ്ച​ർ ഇ​ൻ​ഫ​ർ​മേ​ഷ​ൻ സം​വി​ധാ​നം എന്നിവ ഇതിനകം പൂർത്തിയായി. സ്റ്റേഷനിലേക്കുള്ള ഇടുങ്ങിയ റോഡ് 15 മീ​റ്റ​ർ വീ​തി​യിൽ​ നവീ​ക​രി​ക്കും. ഇ​തോ​ടൊ​പ്പം ട്രാ​ഫി​ക് പൊ​ലീ​സ് സ്റ്റേ​ഷ​ന് മു​ന്നി​ലെ റോ​ഡ് ഏ​ഴു മീ​റ്റ​ർ വീ​തി​യി​ൽ വി​ക​സി​പ്പി​ക്കും

റെ​യി​ൽ​വേ സ്റ്റേ​ഷ​ന്റെ പ്ര​ധാ​ന ക​വാ​ട​ത്തി​ന്റെ നി​ർ​മാ​ണ​വും പ്ലാ​റ്റ്ഫോം ന​വീ​ക​ര​ണ​വും അവസാന ഘട്ടത്തിലാണ്. അടുത്ത ഘട്ടമായി റെ​യി​ൽ​വേ സ്റ്റേ​ഷ​ന്റെ വ​ട​ക്കു​ഭാ​ഗ​ത്തും പാ​ർ​ക്കി​ങ്ങി​ങ് ഏരിയ ഒരുക്കും. മാത്രമല്ല നി​ല​വി​ലെ ആ​ർ.​പി.​എ​ഫ് സ്റ്റേ​ഷ​നും ഓ​ഫീസ് സ​മു​ച്ച​യ​വും ഇ​വി​ടേ​ക്ക് മാ​റ്റാ​നും പ​ദ്ധ​തിയുണ്ട്.