ലഖ്നൗ : കുംഭമേളയുടെ ഒരുക്കങ്ങൾ നടക്കുന്ന സ്ഥലം വഖ്ഫ് ആണെന്ന് അഖിലേന്ത്യാ മുസ്ലിം ജമാഅത്ത് ദേശീയ അധ്യക്ഷൻ ഷഹാബുദ്ദീൻ റസ്വി ബറേൽവി. പ്രയാഗ്‌രാജ് നിവാസിയായ സർതാജ് ഇങ്ങിനെ അവകാശപ്പെട്ടതായി അഖിലേന്ത്യാ മുസ്ലിം ജമാഅത്ത് ദേശീയ പ്രസിഡൻ്റ് മൗലാന ഷഹാബുദ്ദീൻ റസ്വി ബറേൽവി പത്രസമ്മേളനത്തിൽ പറഞ്ഞു.
“ഈ ഭൂമി ഏകദേശം 54 ഏക്കറാണ്. കുംഭമേളയ്‌ക്കുള്ള എല്ലാ ക്രമീകരണങ്ങളും ഈ വഖഫ് ഭൂമിയിൽ ചെയ്തുവരുന്നു.ഇതിനെ എതിർക്കാതെ മുസ്ലീങ്ങൾ വലിയ മനസ്സ് കാണിച്ചു, മറുവശത്ത് അഖാര പരിഷത്തും മറ്റ് ബാബമാരും മുസ്ലീങ്ങളുടെ പ്രവേശനം നിരോധിക്കുകയാണ്.
കുംഭമേള ഭൂമിയുടെ പലഭാഗത്തും സ്ഥാപിച്ചിട്ടുള്ള ഓവുചാലുകളും ടെൻ്റുകളുമെല്ലാം വഖഫ് ഭൂമിയാണെന്ന് അദ്ദേഹം അവകാശപ്പെട്ടു. അത് മുസ്ലീങ്ങളുടെയാണ്. ഖരഞ്ജ റോഡും മറ്റും മുസ്ലിം ഒരിക്കലും നിരസിച്ചിട്ടില്ലെന്ന മുസ്‌ലിമിന്റെ ഔദാര്യം നോക്കൂ. അതേസമയം അഖാര പരിഷത്ത് സ്റ്റാളുകൾ സ്ഥാപിക്കുന്നതിന് മുസ്ലീങ്ങളുടെ പ്രവേശനം വിലക്കുന്നുണ്ട്”. അദ്ദേഹം പറഞ്ഞു.
ഈ ഇടുങ്ങിയ വീക്ഷണം ഉപേക്ഷിക്കണം. അഖാര പരിഷത്തും മറ്റ് ബാബമാരും മുസ്ലീങ്ങൾക്ക് പ്രവേശനം നിഷേധിക്കുന്നു . അവരും മുസ്ലീങ്ങളെ പോലെ വലിയ മനസ്സ് കാണിക്കേണ്ടി വരും.” ബറേൽവി പറഞ്ഞു.
കുംഭമേള ഭൂമി വഖ്ഫ് വസ്തുവാണെന്ന ഷഹാബുദ്ദീൻ റസ്വി ബറേൽവിയുടെ പ്രസ്താവന വൻ പ്രതിഷേധം വിളിച്ചു വരുത്തിയിട്ടുണ്ട്.
നേരത്തെ മഹാകുംഭമേളയിൽ പങ്കെടുത്ത് മുസ്ലീങ്ങൾ മതം മാറുമോയെന്ന് ഭയമുണ്ടെന്ന് അഖിലേന്ത്യാ മുസ്ലിം ജമാഅത്ത് പ്രസ്ഥാവിച്ചിരുന്നു . ഇത്തരം പരിപാടികൾ നിരോധിക്കണമെന്ന് ആവശ്യപ്പെട്ട് ജമാഅത്ത് പ്രസിഡൻ്റ് മൗലാന മുഫ്തി ഷഹാബുദ്ദീൻ റസ്വി ബറേൽവി ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് കത്തയച്ചു.
