കൊച്ചി: സുരേഷ് ഗോപി, അനുപമ പരമേശ്വരൻ എന്നിവരെ കേന്ദ്ര കഥാപാത്രങ്ങളാക്കി പ്രവീൺ നാരായണൻ തിരക്കഥയെഴുതി സംവിധാനം ചെയ്യുന്ന ജെഎസ്കെ അഥവാ ജാനകി V/S സ്റ്റേറ്റ് ഓഫ് കേരള സമ്മർ റിലീസായി ഏപ്രിലിൽ തിയറ്ററിലെത്തും. വക്കീൽകുപ്പായത്തിൽ സുരേഷ് ഗോപി വീണ്ടും പ്രേക്ഷകർക്ക് മുൻപിലെത്തുന്ന ചിത്രത്തിന്റെ ടാഗ് ലൈൻ തന്നെ സത്യം എപ്പോഴും വിജയിക്കും എന്നാണ്.
വൈരം എന്ന ചിത്രത്തിലാണ് സുരേഷ് ഗോപി ഇതിന് മുൻപ് വക്കീൽ വേഷത്തിൽ എത്തിയത്. അതിന് മുൻപ് ചിന്താമണി കൊലക്കേസും ഏറെ ശ്രദ്ധിക്കപ്പെട്ടിരുന്നു. അഡ്വ. ഡേവിഡ് അബേൽ ഡോണോവൻ എന്ന കഥാപാത്രമായാണ് സുരേഷ് ഗോപി ജെഎസ്കെയിൽ എത്തുന്നത്. സുരേഷ് ഗോപിയുടെ മകൻ മാധവ് സുരേഷ് സിനിമയിൽ അണിനിരക്കുന്നുണ്ട്.
അക്സർ അലി, ദിവ്യാ പിള്ള, ശ്രുതി രാമചന്ദ്രൻ, ജോയ് മാത്യു, ബൈജു സന്തോഷ് , യദു കൃഷ്ണ, ജയൻ ചേർത്തല, രജത്ത് മേനോൻ, ഷഫീർ ഖാൻ, കോട്ടയം രമേശ്, രതീഷ് കൃഷ്ണൻ, അഭിഷേക് രവീന്ദ്രൻ, നിസ്താർ സേട്ട്, ഷോബി തിലകൻ, ബാലാജി ശർമ്മ, ജയ് വിഷ്ണു, ദിലീപ് മേനോൻ, ജോമോൻ ജോഷി, വൈഷ്ണവി രാജ്, മഞ്ജു ശ്രീ, ദിനി, ജോസ് ചെങ്ങന്നൂർ, മേധ പല്ലവി, പ്രശാന്ത് മാധവ് എന്നിവരാണ് മറ്റ് താരങ്ങൾ.
കോസ്മോസ് എന്റർടൈയ്ൻമെന്റിന്റെ ബാനറിൽ ജെ ഫനിന്ദ്ര കുമാറാണ് ചിത്രം നിർമ്മിക്കുന്നത്, കോ പ്രൊഡ്യൂസർ സേതുരാമൻ നായർ കാങ്കോൽ. ഈ ചിത്രത്തിന്റെ ഛായാഗ്രഹണം രണദിവേ നിർവ്വഹിക്കുന്നു. എഡിറ്റർ -സംജിത് മുഹമ്മദ്, റീ റെക്കോർഡിങ് – ജിബ്രാൻ, മ്യൂസിക് -ഗിരീഷ് നാരായണൻ, ലിറിക്സ് -സന്തോഷ് വർമ്മ,ജ്യോതിഷ് കാശി, അഡീഷണൽ സ്ക്രീൻപ്ലേ ആൻഡ് ഡയലോഗ് – ജയ് വിഷ്ണു, മുനീർ മുഹമ്മദുണ്ണി, വിഷ്ണു വംശ, ചീഫ് അസോസിയേറ്റ് ഡയറെക്ടെഴ്സ് – രാജേഷ് അടൂർ, കെ ജെ വിനയൻ, കോസ്റ്റ്യൂം ഡിസൈനർ – അരുൺ മനോഹർ, പ്രൊഡക്ഷൻ കൺട്രോളർ – അമൃതാ മോഹനൻ, പ്രൊഡക്ഷൻ എക്സിക്യൂട്ടീവ് – ശ്രീജേഷ് ചിറ്റാഴ, മേക്കപ്പ് – പ്രദീപ് രംഗൻ, ആർട്ട് ഡയറക്ഷൻ – ജയൻ ക്രയോൺ, വി എഫ് എക്സ് – ഐഡന്റ് ലാബ്, ആക്ഷൻ കൊറിയോഗ്രാഫി – മാഫിയ ശശി, ഫീനിക്സ് പ്രഭു, രാജശേഖർ, സ്റ്റിൽസ് – ജെഫിൻ ബിജോയ്, മാർക്കറ്റിങ് – എന്റർടൈൻമെന്റ് കോർണർ, പി ആർ ഒ : ജിനു അനിൽകുമാർ, വൈശാഖ് സി.
