തിരുവനന്തപുരം: ഇന്ത്യയും ഇംഗ്ലണ്ടും തമ്മില്‍ നടക്കുന്ന ഏകദിന പരമ്പരയിലെ രണ്ടാം ഏകദിന മത്സരത്തില്‍ ബി.സി.സി.ഐയുടെ നിരീക്ഷകനായി മലയാളിയായ ആര്‍ കാര്‍ത്തിക് വര്‍മ്മയെ നിയമിച്ചു.എറണാകുളം ജില്ലാ ക്രിക്കറ്റ് അസോസിയേഷന്‍ സെക്രട്ടറി കൂടിയാണ് കാര്‍ത്തിക് വര്‍മ്മ. ഫെബ്രുവരി 9 ന് കട്ടക്കിലെ ബാരാബദി സ്റ്റേഡിയത്തില്‍ വച്ചാണ് മത്സരം നടക്കുന്നത്.
നാളെ നാഗ്പൂരിലാണ് ആദ്യ മത്സരം നടക്കുന്നത്. ചാമ്പ്യൻസ് ട്രോഫിക്ക് മുന്നേയുള്ള പരമ്പര വലിയൊരു ഒരുക്കമായി കണ്ടാണ് ഇന്ത്യൻ താരങ്ങൾ പരിശീലനത്തിന് ഏർപ്പെട്ടിരിക്കുന്നത്. ഏകദിന പരമ്പര അവസാനിക്കുന്ന പാടെ ചാമ്പ്യൻസ് ട്രോഫിക്കും തുടക്കമാകും. ഇന്ത്യയുടെ മത്സരങ്ങൾ ദുബായിലാണ് നടക്കുന്നത്. ഹൈബ്രിഡ് മോഡലിലാണ് ടൂർണമെന്റ് നടത്തുന്നത്.
