കാസർകോട്: കയ്യൂരിൽ സൂര്യഘാതമേറ്റ് 92 കാരൻ മരിച്ചു. മുഴക്കോം വലിയപൊയിലിൽ കുഞ്ഞിക്കണ്ണനാണ് മരിച്ചത്. ഉച്ചയ്ക്ക് രണ്ടരയോടെ വീടിന് സമീപത്ത് വച്ചാണ് സൂര്യാഘാതം ഏറ്റത്.
ബന്ധു വീട്ടിലേക്ക് നടന്ന് പോകാൻ വീട്ടിൽ നിന്ന് ഇറങ്ങിയതിന് പിന്നാലെ കുഴഞ്ഞു വീഴുകയായിരുന്നു. ഉടൻ തന്നെ സമീപവാസികൾ ചെറുവത്തൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രി അധികൃതരാണ് സൂര്യാഘാതമാണെന്ന് സ്ഥിരീകരിച്ചത്. എന്നാൽ ഇക്കാര്യം ജില്ലാ മെഡിക്കൽ ഓഫീസർ സ്ഥിരീകരിച്ചിട്ടില്ല.
കണ്ണൂർ മെഡിക്കൽ കോളേജിലെ പോസ്റ്റ്മോർട്ടത്തിന് ശേഷമേ മരണകാരണം സ്ഥിരീകരിക്കാനാകൂവെന്ന് ജില്ലാ മെഡിക്കൽ ഓഫീസർ അറിയിച്ചു.
