പാലക്കാട്: മുസ്ലിം ലീഗ് സംസ്ഥാന അധ്യക്ഷൻ പാണാക്കാട് സാദിഖലി ശിഹാബ് തങ്ങളുടെ കോലം കത്തിച്ച് എസ്.എൻ.ഡി.പി പ്രവർത്തകരുടെ പ്രതിഷേധം. പാലക്കാട് കൊല്ലങ്കോട് മുതലമടയിലാണ് സംഭവം.
എസ്.എൻ.ഡി.പി യോഗം ജനറൽ സെക്രട്ടറി വെള്ളപ്പള്ളി നടേശനെ നിരന്തരം അവഹേളിക്കുന്ന മുസ്ലിം ലീഗ് നേതാക്കളുടെ നടപടികളിൽ പ്രതിഷേധിച്ചാണ് ശ്രീനാരായണീയർ സാദിഖലി ശിഹാബ് തങ്ങളുടെ കോലം കത്തിച്ച് പ്രതിഷേധിച്ചത്.
മലപ്പുറം ജില്ലയിൽ ഈഴവർ നേരിടുന്ന അവഗണനയെ കുറിച്ചുള്ള പരാമർശത്തിന് പിന്നാലെ മുസ്ലിം ലീഗ്, യോഗം ജനറൽ സെക്രട്ടറിക്കെതിരെ രംഗത്തിറങ്ങുകയായിരുന്നു.
പ്രതിഷേധത്തിന്റെ മറവിൽ മുസ്ലിം ലീഗുകാർ വെള്ളാപ്പള്ളിയുടെ കോലം കത്തിക്കുകയും ചെയ്തിരുന്നു. ഇതിന് മറുപടിയായാണ് മുതലമടയിലെ ശ്രീനാരായണീയരുടെ പ്രതിഷേധം.എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളിക്കെതിരെ ലീഗ് നേതൃത്വം നടത്തുന്ന ആക്രമണങ്ങൾ നോക്കിനിൽക്കാനാവില്ലെന്നും ചെറുത്തുതോൽപ്പിക്കുമെന്നും പ്രതിഷേധക്കാർ പറഞ്ഞു.
മലപ്പുറം ജില്ല പ്രത്യേക രാജ്യവും സംസ്ഥാനവുമാണെന്നും സ്വതന്ത്രമായ അഭിപ്രായം പറഞ്ഞു ജീവിക്കാൻ കഴിയില്ലെന്നുമാണ് കഴിഞ്ഞ ദിവസം മലപ്പുറം ചുങ്കത്തറയിൽ വെള്ളാപ്പള്ളി പറഞ്ഞത്.
മറ്റ് ആളുകൾക്കിടയിൽ എല്ലാ തിക്കും തിരക്കും അനുഭവിച്ചും ഭയന്നും ജീവിക്കുന്ന ആളുകളാണിവിടെയുള്ളത്. സ്വതന്ത്രമായ വായുപോലും ഇവിടെ നിങ്ങൾക്ക് ലഭിക്കുന്നില്ല. സ്വാതന്ത്ര്യം നേടിയതിന്റെ ഒരംശം പോലും മലപ്പുറത്ത് പിന്നാക്കം നിൽക്കുന്ന ജനവിഭാഗങ്ങൾക്ക് ലഭിച്ചിട്ടുണ്ടോയെന്നുമായായിരുന്നു വെള്ളാപ്പള്ളിയുടെ പ്രസ്താവന.
പ്രസംഗം വിവാദമായതോടെ. യൂത്ത് ലീഗ് ഉൾപ്പെടെയുള്ള നിരവധി മുസ്ലിം സംഘനകൾ പൊലീസിൽ പരാതി നൽകി. അഭിപ്രായം പറഞ്ഞ യോഗം ജനറൽ സെക്രട്ടറിയെ വളഞ്ഞിട്ടാക്രമിക്കാൻ മുസ്ലിം സംഘടനകൾ രംഗത്തിറങ്ങിയതോടെ “സ്വതന്ത്രമായ അഭിപ്രായം പറഞ്ഞു മലപ്പുറത്ത് ജീവിക്കാൻ കഴിയില്ലെന്നുള്ള” വെള്ളാപ്പള്ളിയുടെ പ്രസ്താവന സത്യമാകുകയാണ് എന്ന നിരീക്ഷണം ശക്തമാകുന്നുണ്ട്.
