ജമ്മുകശ്മീരിൽ വിനോദ സഞ്ചാരികൾക്ക് നേരെ ഭീകരാക്രമണം; ഒരാൾ കൊല്ലപ്പെട്ടു; പിന്നിൽ ലഷ്കർ

ജമ്മുകശ്മീരിലെ പെഹൽ​ഗാമിൽ വിനോദസഞ്ചാരികൾക്ക് നേരെ ഭീകരാക്രമണം. വെടിവയ്പ്പിൽ ഒരാൾ കൊല്ലപ്പെട്ടു. ഭീകരാക്രമണത്തിൽ ഒരാൾ പന്ത്രണ്ട് പേർക്ക് പരിക്കേൽക്കുകയും ചെയ്തു. ചൊവ്വാഴ്ച ഉച്ചയ്‌ക്ക് 2:30 ഓടെയാണ് പെഹൽഗാമിലെ ബൈസരൻ താഴ്വരയിലെ കുന്നിൻമുകളിൽ ക്ഷീണിതരായി ഇരുന്ന വിനോദസഞ്ചാരികൾക്ക് നേരെയാണ് ഒരു കൂട്ടം ഭീകരവാദികൾ വെടിയുതിർത്തത്. വിനോദ സഞ്ചാരികൾ ട്രക്കിം​ഗിന് എത്തിയത്. പുരുഷനാണ് കൊല്ലപ്പെട്ടതെന്നാണ് സൂചന.

അജ്ഞാതരായ തോക്കുധാരികൾ വിനോദസഞ്ചാരികൾക്ക് നേരെ അടുത്തു നിന്ന് വെടിയുതിർത്തതായും നിരവധി പേർക്ക് പരിക്കേറ്റതായും ഒരു ദൃക്‌സാക്ഷി പറഞ്ഞതായി വാർത്താ ഏജൻസി പിടിഐ റിപ്പോർട്ട് ചെയ്തു. പെഹൽഗാം ഹിൽ സ്റ്റേഷനിൽ നിന്ന് ഏകദേശം 5 കിലോമീറ്റർ അകലെയാണ് ബൈസരൻ പുൽമേട്. കാൽനടയായോ കുതിര സവാരിയിലൂടെയോ മാത്രമേ ഇവിടെ എത്താൻ കഴിയൂ. ആക്രമണത്തിന് തൊട്ടുപിന്നാലെ സുരക്ഷാ സേന പ്രദേശം വളഞ്ഞു.

പാകിസ്താൻ ആസ്ഥാനമായുള്ള ഭീകര സംഘടനയായ ലഷ്കർ-ഇ-തൊയ്ബയുടെ പ്രാദേശിക ശാഖയായ റെസിസ്റ്റൻസ് ഫ്രണ്ട് ആക്രമണത്തിന്റെ ഉത്തരവാദിത്തം ഏറ്റെടുത്തു. താഴ്വരകൾ, തടാകങ്ങൾ, വിശാലമായ പുൽമേടുകൾ എന്നിവയ്‌ക്ക് പേരുകേട്ട പെഹൽഗാം പ്രശസ്തമായ വിനോദസഞ്ചാര കേന്ദ്രമാണ്.

Several tourists injured in terror attack in J&K’s Pahalgam

Srinagar, Apr 22 (PTI) Several tourists were injured in a terrorist attack in Pahalgam in Anantnag district of Jammu and Kashmir on Tuesday, police said.

“My husband was shot in the head while seven others were also… pic.twitter.com/hioNjFyZmv

— ANN News Channel (@AnnNewsKashmir) April 22, 2025